پٹنہ، 29 اگست (ہ س)۔ نیپال میں سیلاب کی وجہ سے کاٹھمنڈو میں پھنسے ہوئے مہاراشٹر کے تقریباً 100 زائرین کو حکومت بہارکی مدد سے بحفاظت نکال کر ان کی آبائی ریاست بھیج دیا گیا۔ مہاراشٹر حکومت کی درخواست پر انسانی پہل پر عمل کرتے ہوئے حکومت بہارنے راحت اور محفوظ واپسی کے لیے مکمل انتظامات کیے ہیں۔28 اگست 2026 کو بہار کے وزیر اعلیٰ کی ہدایت پر اور چیف سکریٹری اور ڈیزاسٹر مینجمنٹ ڈپارٹمنٹ کے پرنسپل سکریٹری کی نگرانی میں سیتامڑھی ضلع انتظامیہ نے فوری کارروائی کی۔ تمام زائرین کو نیپال کی سرحد سے سیتامڑھی تک بحفاظت لے جایا گیا۔ ان کے لیے کھانا، پینے کا پانی اور دیگر ضروری سہولیات فراہم کی گئیں۔اس کے بعد 29 اگست کو تقریباً 2:30 بجے تمام زائرین کو سیتامڑھی سے پٹنہ لایا گیا۔ پٹنہ ضلع انتظامیہ نے انہیں او پی ساہ کمیونٹی ہال میں ٹھہرایا، جہاں کھانا، رہائش، میڈیکل چیک اپ اور دیگر ضروری سہولیات فراہم کی گئیں۔ حکومت بہارکے چیف سکریٹری نے زائرین کی محفوظ واپسی کو یقینی بنانے کے لیے ریلوے بورڈ کے چیئرمین کے ساتھ بات چیت کی۔ اس کے بعد پٹنہ-پورنا ایکسپریس میں دو اضافی بوگیاں شامل کی گئیں۔ تمام زائرین 29 اگست کی صبح 7:30 بجے خصوصی انتظامات کے ساتھ مہاراشٹر کے لیے روانہ ہوئے۔اپنی محفوظ اور باوقار واپسی کے بعد زائرین نے حکومت بہارکے ساتھ ساتھ سیتامڑھی اور پٹنہ ضلع انتظامیہ کا شکریہ ادا کیا۔ انہوں نے سیلاب کے دوران فوری کارروائی، حساسیت اور مربوط امدادی سرگرمیوں پر حکام کا شکریہ ادا کیا۔ہندوستھان سماچار

ہندوستان سماچار / Mohammad Afzal Hassan