ممبئی ، 28 اگست (ہ س) یاماہا نے اپنی طویل عرصے سے منتظر نئی اسپورٹس بائیک وائی زیڈ ایف آر 2 کو ہندوستانی بازار میں لانچ کردیا ہے۔ وائی زیڈ ایف آر 15 کے بعد پیش کی جانے والی اس نئی موٹر سائیکل کو لے کر بائیک شائقین میں پہلے ہی خاصی دلچسپی تھی۔ کمپنی نے 12 اگست 2026 سے 10000 روپے کی رقم کے ساتھ آر 2 کے لیے پری بکنگ شروع کی تھی۔
وائی زیڈ ایف آر 2 کو نئی اسٹیل فریم پر تیار کیا گیا ہے، جس کا وزن صرف 14 کلو گرام ہے۔ موٹر سائیکل میں 204 سی سی کا سنگل سلنڈر، لیکوئڈ کولڈ انجن دیا گیا ہے۔ یہ انجن 10000 آر پی ایم پر 26.5 ہارس پاور اور 8000 آر پی ایم پر 19.1 این ایم ٹارک پیدا کرتا ہے۔ آر 15 کی طرح آر 2 میں بھی لیکوئڈ کولنگ سسٹم موجود ہے، تاہم آر 2 میں ڈی او ایچ سی سیٹ اپ دیا گیا ہے، جبکہ آر 15 میں ایس او ایچ سی سیٹ اپ استعمال کیا گیا ہے۔ آر 2 میں وی وی اے ٹیکنالوجی نہیں دی گئی، لیکن اس کے والوز پر ڈائمنڈ لائک کاربن یعنی ڈی ایل سی کوٹنگ کی گئی ہے۔ یہی ٹیکنالوجی یاماہا کی فلیگ شپ وائی زیڈ ایف آر 1 میں بھی دیکھی جاتی ہے۔
آر 15 میں استعمال ہونے والے ڈیلٹا باکس فریم کے بجائے آر 2 میں نئی ڈائمنڈ اسٹیل فریم دی گئی ہے۔ اس کے باعث بیس ویریئنٹ کا کرب وزن 149 کلو گرام جبکہ مڈ اور ٹاپ ویریئنٹ کا وزن 150 کلو گرام ہے۔ موٹر سائیکل کی سیٹ کی اونچائی 810 ملی میٹر ہے۔ کم وزن اور زیادہ طاقت کے باعث آر 2 کا مقابلہ کے ٹی ایم آر سی 200 اور ہیرو کرزمہ ایکس ایم آر جیسی موٹر سائیکلوں سے ہونے کی توقع ہے۔ آر 2 کو 3 ویریئنٹس میں پیش کیا گیا ہے۔ بیس ویریئنٹ کی قیمت 2.30 لاکھ روپے، مڈ ویریئنٹ کی قیمت 2.39 لاکھ روپے جبکہ ٹاپ آر 2 ایم ویریئنٹ کی قیمت 2.53 لاکھ روپے ہے۔ یہ تمام قیمتیں دہلی ایکس شوروم ہیں۔
موٹر سائیکل میں رائیڈ بائی وائر تھروٹل، 3 رائیڈنگ موڈز، اسسٹ اینڈ سلپر کلچ، 37 ملی میٹر یو ایس ڈی فورکس اور ڈوئل چینل اے بی ایس دیا گیا ہے۔ اس کے علاوہ 5 انچ کا ٹی ایف ٹی ڈیش اور ٹریکشن کنٹرول بھی دستیاب ہے۔ مڈ ویریئنٹ میں بائی ڈائریکشنل کوئک شفٹر اور باڈی کلر الائے وہیلز دیے گئے ہیں۔ دوسری جانب آر 2 ایم ویریئنٹ میں پری لوڈ ایڈجسٹ ایبل سسپنشن، ایڈجسٹ ایبل بریک اور کلچ لیورز، فاکس سوئیڈ سیٹ اور کی لیس سسٹم شامل ہیں۔ کمپنی کے مطابق موٹر سائیکل کی ڈلیوری ستمبر کے وسط سے شروع ہوگی۔ آر 2 کو صرف یاماہا کے بلیو اسکوائر نیٹ ورک کے ذریعے خریدا جا سکے گا۔
ہندوستھان سماچار
--------------------
ہندوستان سماچار / جاوید این اے
