کھٹمنڈو، 27 اگست (ہ س)۔ نیپال کے بھوٹے کوشی میں آنے والے شدید سیلاب کے باعث رسووا ضلع سے 517 غیر ملکی سیاحوں کا رابطہ منقطع ہو گیا ہے۔ نیپال ٹورزم بورڈ نے جمعرات کی دوپہر ایک بجے تک کے اعداد و شمار کی بنیاد پر یہ اطلاع دی ہے۔

بورڈ کے مطابق، ان میں 178 بھارتی سیاح شامل ہیں۔ اس کے علاوہ امریکہ کے 65، یوکرین کے 53، ملائیشیا کے 51، برطانیہ کے 33، آسٹریلیا کے 35 اور کینیڈا کے 25 سیاحوں سے بھی ابھی تک رابطہ نہیں ہو سکا ہے۔ اسی طرح سنگاپور سے نیپال کی سیر کے لیے آئے 9 سیاح اور روس اور جرمنی کے 8-8 سیاح بھی رسووا سے رابطے میں نہیں ہیں۔ لٹویا اور جنوبی افریقہ کے 6-6، نیوزی لینڈ اور جاپان کے 5-5، فرانس کے 4 اور اسپین کے 3 سیاحوں سے بھی رابطہ نہیں ہو سکا ہے۔ اس کے علاوہ اٹلی، آئرلینڈ، قازقستان، نیدرلینڈز اور پرتگال کے 2-2 سیاح بھی رابطے سے باہر ہیں۔ ٹورزم بورڈ کے مطابق بیلاروس، بلغاریہ، فن لینڈ، ہنگری، اسرائیل، لیتھوانیا، فلپائن، سربیا، سویڈن اور سوئٹزرلینڈ کے ایک ایک سیاح سے بھی رابطہ منقطع ہے۔ بورڈ کی جانب سے بتایا گیا ہے کہ سیلاب کے باعث 127 نیپالی سیاحوں سے بھی رابطہ نہیں ہو پا رہا ہے۔

ہندوستھان سماچار

---------------

ہندوستان سماچار / عبدالواحد