بنگلورو ، 26 اگست ( ہ س) : جموں و کشمیر کے بائیں ہاتھ کے اسپن آل راؤنڈر عابد مشتاق نے شاندار نو وکٹیں حاصل کیں کیونکہ نارتھ زون نے دلیپ ٹرافی کے کوارٹر فائنل میں روتوراج گائیکواڈ کی قیادت والے ویسٹ زون کو 52 رنز سے شکست دے کر سیمی فائنل میں جگہ بنا لی۔

سرخ مٹی کی پچ پر اسپن باؤلرز کا غلبہ تھا اور پورے میچ میں اسپنرز نے 25 وکٹیں حاصل کیں۔ عابدی مشتاق نے دونوں اننگز میں مجموعی طور پر 9 وکٹیں لے کر نارتھ زون کی جیت میں کلیدی کردار ادا کیا۔

آخری دن ویسٹ زون کو جیت کے لیے 67 رنز درکار تھے اور نارتھ زون کو تین وکٹوں کی ضرورت تھی۔ مشتاق اور نشنت سندھو نے ویسٹ زون کی اننگز صرف ایک اوور میں سمیٹ لی۔

چوتھے دن مشتاق نے مشرف خان اور رتوراج گائیکواڈ کے درمیان سنچری شراکت کے بعد ویسٹ زون کو ہلا کر رکھ دیا۔ آخری دن انہوں نے تنوش کوٹین کو گیند دے کر شروعات کی۔ اس کے بعد اس نے تشار دیشپانڈے کو سلپ پر عبدالصمد کے ہاتھوں پکڑ لیا۔

تین گیندوں کے بعد نشنت سندھو نے ارویل پٹیل کو 25 رنز پر ایل بی ڈبلیو کر کے ویسٹ زون کی اننگز ختم کر دی۔

نارتھ زون کی جانب سے ارشدیپ سنگھ نے چار وکٹیں حاصل کیں۔ ساتھ ہی انشول کمبوج نے بھی پہلی اننگز میں 60 رن بنا کر گیند سے اثر ڈالا اور شمس ملانی اور کوٹین کی وکٹیں حاصل کیں۔

نارتھ زون نے پہلی اننگز میں 251 اور دوسری اننگز میں 222 رن بنائے۔ جواب میں ویسٹ زون صرف 187 اور 234 رن ہی بنا سکا۔

سیمی فائنل میں نارتھ زون کا مقابلہ جنوبی زون سے ہوگا، جس کی کپتانی تلک ورما کریں گے۔ دوسرا سیمی فائنل ایسٹ زون اور دفاعی چیمپئن سینٹرل زون کے درمیان ہوگا۔ دونوں میچ 30 اگست سے بنگلورو کے سینٹر آف ایکسی لینس میں کھیلے جائیں گے۔

ہندوستھان سماچار

--------

ہندوستان سماچار / عبدالواحد