نئی دہلی، 26 اگست(ہ س)۔آج گلوبل مارکیٹ سے مضبوطی کے آثار نظر آرہے ہیں۔ گزشتہ سیشن کے دوران امریکی مارکیٹ میں جوش و خروش رہا۔ ڈاو جونز فیوچر بھی آج اضافہ کے ساتھ تجارت کرتے نظر آرہے ہیں۔ یورپی مارکیٹ پچھلے سیشن کے دوران ملے جلے نتائج کے ساتھ بند ہوئیں۔ دوسری طرف، ایشیائی بازار آج عام طور پر خریداری کارجحان ہے۔گزشتہ سیشن کے دوران امریکی مارکیٹ میں مثبترجحانات برقرار رہے کیونکہ خام تیل کی گرتی ہوئی قیمتوں اور بانڈ کی کم پیداوار نے وال اسٹریٹ انڈیکس کو مضبوط نوٹ پر بند ہونے میں مدد کی۔ ایس اینڈ پی 500 انڈیکس 0.32 فیصد چھلانگ لگا کر 7,677.28 کی سطح پر بند ہوا۔ اسی طرح نیس ڈیک نے پچھلے سیشن کی ٹریڈنگ 171.11 پوائنٹسکی سطح پریعنی 0.66 فیصد کے اضافے کے ساتھ 26,151.30پوائنٹس کی سطح پر ختم کی۔ اسی وقت، ڈاو جونز فیوچرز فی الحال 0.05 فیصد مضبوطی کے ساتھ 53,601.91 پوائنٹ کی سطح پر ٹریڈ کر رہے ہیں۔

پچھلے سیشن کے دوران دن بھر مضبوطی سے تجارت کرنے کے بعد آخری لمحات میں منافع وصولی کی وجہ سے یورپی مارکیٹ ملے جلے نتائج کے ساتھ بند ہوئیں۔ ایف ٹی ایس ای انڈیکس 0.29 فیصد چھلانگ لگا کر 10,886.16 پوائنٹس پر بند ہوا۔ اسی طرح، ڈی اے ایکس انڈیکس نے 159.54 پوائنٹس، یعنی 0.61 فیصد کی چھلانگ لگا کر پچھلے سیشن کی تجارت کو 26,266.14 پوائنٹس کی سطح پر ختم کیا۔ اس کے برعکس، سی اے سی انڈیکس آخری لمحات میں فروخت کی وجہ سے اپنے تمام فوائد کھو بیٹھا اور 0.16 فیصد کی کمزوری کے ساتھ 8,439.20 پوائنٹس پر بند ہوا۔آج ایشیائی بازار میں عام خریداری کا رجحان ہے۔ نو ایشیائی بازاروں میں سے آٹھ انڈیکس سبزنشان میں تجارت کر رہے ہیں، جبکہ ایک انڈیکس نیچے کی طرف رجحان دکھا رہا ہے۔ ایشیائی مارکیٹ میں واحد اسٹریٹس ٹائمز انڈیکس 0.17 پوائنٹس گراوٹ کے ساتھ 5,726.05 پوائنٹس کی سطح پر تجارت کر رہا ہے۔

دوسری طرف، گفٹ نفٹی 0.19 پوائنٹسفیصد اضافہ کے ساتھ 24,527.50 کی سطح پہنچ گیا ہے۔ اسی طرح، جکارتہ کمپوزٹ انڈیکس 0.16 فیصد پوائنٹس بڑھ کر 6,512.06 پوائنٹس پر آگیا ہے۔ کوسپی انڈیکس میں آج بھی تیزی کا رجحان برقرار ہے۔ فی الحال، انڈیکس 132.11 پوائنٹسیعنی 1.96 فیصداضافہ کے ساتھ 6,874.85 فیصد کی سطح پر تجارت کر رہا ہے۔تائیوان ویٹڈ انڈیکس نے بھی آج بڑی چھلانگ لگائی ہے۔ فی الحال انڈیکس 598.23 پوائنٹس یعنی 1.32 فیصد اضافہ کے ساتھ 45,767.69 پوائنٹس کی سطح پر آگیاہے۔ اسی طرح ہینگ سینگ انڈیکس 196.90 پوائنٹس یعنی 0.77 فیصد چھلانگ لگا کر 25,708 پوائنٹس کی سطح پر پہنچ گیا ہے۔ اس کے علاوہ، شانگھائی کمپوزٹ انڈیکس 0.70 فیصد کی چھلانگ کے ساتھ 3,916.83 پوائنٹ کی سطح پر تجارت کر رہا ہے، ایس ای ٹی کمپوزٹ انڈیکس 0.68 فیصد 1,606.80 فیصد کی چھلانگ کے ساتھ تجارت کر رہا ہے اور نکی انڈیکس 409.57 پوائنٹ یعنی 0.62 فیصد کے اضافے کے ساتھ 66,266 پوائنٹ کی سطح پر تجارت کر رہا ہے۔

ہندوستھان سماچار

---------------

ہندوستان سماچار / عبدالسلام صدیقی