ممبئی ، 25 اگست (ہ س)۔ بجاج آٹو نے اپنی مقبول پلسر سیریز کو وسعت دیتے ہوئے اپ ڈیٹڈ پلسر 125 اور نئی پلسر 150 کو بھارتی بازار میں پیش کیا ہے۔ نئے ماڈلز میں پرکشش ڈیزائن کے ساتھ جدید ٹیکنالوجی، بہتر چیسس اور کارکردگی میں بہتری پر توجہ دی گئی ہے۔ پلسر 125 کی ابتدائی قیمت 92,990 روپے ایکس شوروم جبکہ پلسر 150 کی ابتدائی قیمت 1.15 لاکھ روپے ایکس شوروم رکھی گئی ہے۔اپ ڈیٹڈ پلسر 125 چار ویریئنٹس میں دستیاب ہے۔ بیس ماڈل کی قیمت 92,990 روپے، اسٹینڈرڈ سنگل سیٹ ویریئنٹ کی قیمت 99,291 روپے، اسٹینڈرڈ اسپلٹ سیٹ ویریئنٹ کی قیمت 1,00,288 روپے جبکہ نئے پریمیم اسپلٹ سیٹ ویریئنٹ کی قیمت 1,04,318 روپے ہے۔ پرانے ماڈل کے مقابلے میں ویریئنٹ کے لحاظ سے قیمت میں تقریباً 2,500 سے 6,000 روپے تک اضافہ ہوا ہے۔نئی پلسر 125 میں 124.38 سی سی ایئر کولڈ سنگل سلنڈر انجن دیا گیا ہے۔ یہ انجن 8,500 آر پی ایم پر 12.1 پی ایس پاور اور 6,500 آر پی ایم پر 11.4 این ایم ٹارک پیدا کرتا ہے۔ اس کے باعث یہ اب تک کی سب سے زیادہ طاقتورپلسر 125 بن گئی ہے۔ اس موٹر سائیکل میں پہلی مرتبہ مونو شاک ریئر سسپنشن دیا گیا ہے۔ اس کے علاوہ کلر ایل سی ڈی انسٹرومنٹ کلسٹر، ایل ای ڈی ہیڈ لیمپ اورکرال ٹیکنالوجی جیسے فیچرز بھی شامل کیے گئے ہیں۔ اعلیٰ ویریئنٹ میں 5 انچ ٹی ایف ٹی ڈسپلے، کنیکٹڈ فیچرز اور رین، روڈ اور اسپورٹ جیسے 3 رائیڈنگ موڈز دیے گئے ہیں۔دوسری جانب نئی پلسر 150 دو اہم ویریئنٹس میں دستیاب ہے۔ سنگل ڈسک ویریئنٹ کی قیمت 1.15 لاکھ روپے ہے، جبکہ ٹوئن ڈسک ویریئنٹ میں سنگل سیٹ اور اسپلٹ سیٹ ماڈلز کی قیمت بالترتیب 1.22 لاکھ اور 1.23 لاکھ روپے ہے۔ نئی پلسر 150 میں مکمل طور پر نیا 150 سی سی انجن دیا گیا ہے، جو 8,500 آر پی ایم پر 14 پی ایس پاور اور 14.1 این ایم ٹارک پیدا کرتا ہے۔ نئے فریم، مونو شاک ریئر سسپنشن، اسموکڈ ایفیکٹ ایل ای ڈی ہیڈ لیمپ، مربوط ڈی آر ایل اور ہیزرڈ لیمپس کے باعث پلسر 150 کو زیادہ جدید انداز دیا گیا ہے۔ ٹوئن ڈسک ویریئنٹ میں 5 انچ ٹی ایف ٹی ڈسپلے، گوگل میپس نیویگیشن، ایل ای ڈی ٹرن انڈیکیٹرز اور انٹیگریٹڈ اسٹارٹر جنریٹر یعنی آئی ایس جی ٹیکنالوجی بھی دی گئی ہے۔ دونوں موٹر سائیکلوں کی آمد سے 125 اور 150 سی سی کمیوٹر اسپورٹ شعبے میں بجاج کی مسابقت مزید بڑھنے کا امکان ہے۔ پلسر 125 کا براہ راست مقابلہ ٹی وی ایس رائیڈر 125، ہیرو گلیمر ایکس ٹیک اور ہونڈا شائن 125 جیسی موٹر سائیکلوں سے ہوگا۔ہندوستھان سماچار

ہندوستان سماچار / جاوید این اے