ڈبروگڑھ (آسام)، 24 اگست (ہ س)۔

آسام کے ڈبروگڑھ واقع بکپارا بائی پاس پر پیر کو ایک بھیانک سڑک حادثے میں ایک شخص کی موقع پر ہی موت ہو گئی، جبکہ ایک خاتون اور بچی سمیت تین افراد شدید زخمی ہو گئے۔

یہ حادثہ ماروتی 800 کار، سی این جی آٹو اور اسکوٹی کے درمیان پیش آیا۔ حادثے میں آٹو ڈرائیور، راج گڑھ کے رہنے والے دھرم کانت گوگوئی کی موقع پر ہی موت ہو گئی۔

آٹو میں سوار ایک خاتون کی حالت تشویشناک بتائی جا رہی ہے۔ وہیں ماروتی گاڑی کا ڈرائیور اور اگلی سیٹ پر بیٹھی ایک بچی بھی شدید زخمی ہو گئی۔ زخمیوں کو علاج کے لیے اسپتال لے جایا گیا۔ حادثے کی وجوہات کے بارے میں ابھی معلومات سامنے نہیں آئی ہیں۔

ہندوستھان سماچار

ہندوستان سماچار / عطاءاللہ