۔

سرینگر24 اگست ( ہ س)۔

بھارتیہ جنتا پارٹی (بی جے پی) جموں و کشمیر کے جنرل سکریٹری اشوک کول نے ضلع پربھاری صوفی یوسف کے ساتھ آج شوپیاں میں پارٹی کارکنوں کے ساتھ میٹنگ کی۔ بی جے پی کے ضلع صدر شوپیاں راجہ وسیم اور پارٹی کے دیگر سینئر لیڈران نے بھی میٹنگ میں شرکت کی۔ اس موقع پر خطاب کرتے ہوئے کول نے اعلان کیا کہ بی جے پی 2 ستمبر کو سکریٹریٹ گھیراؤ منعقد کرے گی تاکہ موجودہ نیشنل کانفرنس حکومت کو اپنے انتخابی منشور میں کئے گئے وعدوں کی یاد دہانی کرائی جائے۔ انہوں نے الزام لگایا کہ حکومت عوام سے کیے گئے وعدے پورے کرنے میں ناکام رہی ہے۔ وزیر اعلی عمر عبداللہ کو نشانہ بناتے ہوئے کول نے انہیں ایک ’’غیر ذمہ دار وزیر اعلی ‘‘ قرار دیا اور دعویٰ کیا کہ حکومت کی طرف سے کئے گئے وعدے زمینی سطح پر پورے نہیں ہوئے ہیں۔ کول نے کہا کہ 2 ستمبر کو بی جے پی کارکنان سکریٹریٹ کا گھیراؤ کریں گے اور عمر عبداللہ اور نیشنل کانفرنس حکومت کو عوام سے کئے گئے وعدوں کی یاد دلائیں گے۔ہندوستھان سماچار

ہندوستان سماچار / Aftab Ahmad Mir