نئی دہلی، 20 اگست (ہ س)۔ ہندوستانی خواتین کی ڈبلز جوڑی ٹریسا جولی اور گایتری گوپی چند نے بی ڈبلیو ایف ورلڈ چیمپئن شپ 2026 کے کوارٹر فائنل میں پہنچنے کے بعد گھریلو شائقین کا شکریہ ادا کیا۔

ہندوستانی جوڑی نے جمعرات کو اندرا گاندھی انڈور اسٹیڈیم میں کھیلے گئے راونڈ آف 16 کے میچ میں جاپان کے ساتویں سیڈڈ رن ایواناگا اور کی ناکانیشی کو 16-21، 12-21 سے شکست دے دی ۔ عالمی نمبر 39 ٹریسا -گایتری کی جوڑی اب کوارٹر فائنل میں چوتھی سیڈڈ چین کی جوڑی جیا ایفان اور ژانگ شوشیان سے مقابلہ کرے گی ۔

جیت کے بعد، گایتری گوپی چند نے کہا کہ دہلی میں گھریلو شائقین کے سامنے کھیلنے کا تھوڑا دباو ضرور تھا، لیکن یہ ایک دباو ہے جسے وہ پسند کرتی ہیں۔ انہوں نے کہا کہ شائقین کی حمایت نے انہیں مشکل لمحات میں سنبھالے رکھا۔

گایتری نے کہا، ”کورٹ پر اترتے ہوئے یقینی طور پر کچھ دباو تھا، لیکن یہ ایسا دباو ہے جس سے آپ لطف اندوز ہوتے ہیں کیونکہ آپ دہلی میں کھیل رہے ہیں۔ہم پہلے گیم میں بھی 16-13 سے پیچھے تھے، لیکن اس کے بعد ہمیں اپنے کوچز سے کچھ تجاویز ملیں اورہم نے ان پر اچھی طرح عمل کیا۔ میں اس سے بہت خوش ہوں۔ دوسرے گیم میں کچھ کافی مشکل لمحات تھے اور میچ تقریباً برابر چل رہا تھا، لیکن ہم پرسکون رہے اور میچ جیتنے میں کامیاب رہے۔“

انہوں نے گھریلو ہجوم کا شکریہ ادا کرتے ہوئے کہا،”ایک موقع پر ہم دباو میں تھے اورشائقین ہمیں آگے بڑھا رہے تھے۔ میں ان کا شکریہ ادا کرنا چاہتی ہوں اور چاہتی ہوں کہ وہ ہم پر یقین رکھیں۔ امید ہے کہ ہم انہیں جشن منانے کے لیے مزید ومواقع فراہم کریں گے۔“ ٹریسا جولی نے بھی گھریلو شائقین کی حمایت کی تعریف کی۔ انہوں نے کہا کہ ہندوستانی جوڑی کے پیچھے رہنے کے باوجود شائقین نے ان کا حوصلہ بڑھانا جاری رکھا۔

ٹریسا نے کہا”شائقین شاندار رہیں۔ پہلے گیم میں جب ہم پیچھے تھے ،تب بھی شائقین نے ہمارا بہت ساتھ دیا۔ جب مقابلہ گھریلو زمین پر ہو رہا ہو تو ہم چاہتے ہیں کہ ہوم سرزمین پر کھیلا جاتا ہے، تو ہم چاہتے ہیں کہ شائقین ہمیں مضبوط کارکردگی کا مظاہرہ کرتے ہوئے دیکھیں اور انہیں ہماری بہترین کارکردگی دکھا سکیں۔“

کوارٹر فائنل کے مقابلے میں چین کی جوڑی کے خلاف مقابلے کو لے کر ٹریسا نے کہا کہ چیلنج آسان نہیں ہوگا۔ انہوں نے کہا کہ ”یہ آسان نہیں ہوگا۔وہ ٹاپ سطح کی کھلاڑی ہیں اور ہمارے لئے ایک پوائنٹ اہم ہوگا۔ ہمیں خود پر اعتماد رکھنا ہوگا، پرسکون رہنا ہوگا اور اس لمحے پر توجہ مرکوز کرنی ہوگی۔“

ورلڈ چیمپیئن شپ میں تمغے سے صرف ایک جیت کی دوری ہونے پر ٹریسا نے کہا کہ یہ یقینی طور پر ان کے ذہن میں ہے لیکن فی الحال ان کی توجہ اس لمحے سے لطف اندوز ہونے، اچھی طرح سے آرام کرنے اور اگلے میچ کی تیاری پر ہے۔

گایتری نے جاپانی جوڑی کے خلاف جیت کو اعتماد بڑھانے والا قرار دیا۔ انہوں نے مزید کہا کہ اب تک جن کھلاڑیوں کا انہوں نے سامنا کیا ہے، انہیں ہرانا آسان نہیں تھا۔

مقابلے میں ٹریسا اور گایتری نے شروع سے ہی جارحانہ انداز میں کھیلا۔ جاپانی جوڑی نے مضبوط دفاعی کھیل سے ہندوستانیوں پر دباو ڈالنے کی کوشش کی لیکن ہندوستانیوں نے اپنی برتری برقرار رکھی اور پہلا گیم 16-21 سے جیت لیا۔

دوسرے گیم میں ٹریسا اور گایتری نے تیزی سے اپنی برتری مضبوط کر لی۔مسلسل جارحانہ کھیل کی بنیاد پر ، انہوں نے جاپانی جوڑی کو واپسی کاکوئی بھی موقع نہیں دیا اور دوسرا گیم 16-21 سے جیت کر عالمی چیمپئن شپ کے آخری آٹھ میں جگہ حاصل کی۔

ہندوستھان سماچار

ہندوستان سماچار / محمد شہزاد