کوکو ٹی وی کے پہلے ریئلٹی ایکٹنگ مائیکرو ڈرامہ شو 'سب سے بڑا ڈرامے باز' میں پریاگ راج کے نوجوان فنکار انس ملک نے شہر میں اپنا نام روشن کیا ہے۔ انس ملک بھر سے زیادہ ڈیجیٹل آڈیشن اور لاکھوں ویوز کے بعد سامعین کی ووٹنگ کی بنیاد پر منتخب کیے گئے ٹاپ 12 مدمقابل میں شامل ہیں۔
انس ملک کا سفر جدوجہد اور محنت سے بھرپور رہا ہے۔ مالی چیلنجوں کے درمیان بڑے ہوتے ہوئے انس نے کم عمری میں ہی خاندانی ذمہ داریاں سنبھالنا شروع کر دی تھیں۔ انہوں نے پریاگ راج کے گنگا گھاٹوں پر فوٹو گرافی کا کام کیا اور بعد میں سوشل میڈیا کے ذریعے اپنی شناخت بنائی۔ خاندان کے جے پور منتقل ہونے کے بعد، انہوں نے بی ایس سی نرسنگ کی تعلیم جاری رکھی اور اپنے والد کے کام میں ان کی مدد بھی کی۔ انس نے 2020 میں ایک آڈیشن کے ذریعے اپنی اداکاری کا آغاز کیا، تھیٹر میں تربیت حاصل کی اور اب ممبئی میں اپنے اداکاری کو آگے بڑھارہے ہیں۔
انس اب 10 لاکھ روپے کی انعامی رقم اور کوکو ٹی وی کے آنے والے مائیکرو ڈرامے میں مرکزی کردار حاصل کرنے کے لیے شو کے دیگر 11 فائنلسٹوں کے ساتھ مقابلہ کریں گے۔ اس شو میں اداکار راکیش بیدی، اداکارہ جنت زبیر اور ریئلٹی اسٹار پرنس نرولا جج ہوں گے۔ تقریبا دودو منٹ کے دورانیہ والے 45 سے 60 اقساط میںمدمقابل کو اداکاری پر مبنی چیلنجوں،مینٹرشپ، ایلیمینیشن اور ان کی جدوجہد کے بارے میں کہانیوں کے ذریعے آزمایا جائے گا۔
سب سے بڑا ڈرمی باز کا پریمیئر اس ہفتے خصوصی طور پر کوکو ٹی وی ایپ پر ہوگا۔ کوکو ٹی وی کے مطابق، پلیٹ فارم پر 20 کروڑ سے زیادہ انسٹال ہیں اور سات سے زیادہ ہندوستانی زبانوں میں 5,000مزید مائیکرو ڈرامے دستیاب ہیں۔ ہندوستانی کرکٹ ٹیم کے سابق کپتان مہندر سنگھ دھونی بھی کمپنی کے سرمایہ کار اور برانڈ ایمبیسیڈر ہیں۔
ہندوستھان سماچار
---------------
ہندوستان سماچار / عبدالسلام صدیقی
