یش اپنی انتہائی متوقع ایکشن تھرلر فلم ’ٹاکسک: اے فیئری ٹیل فار گرون اپس‘ کے ساتھ بڑے پردے پر واپسی کے لیے تیار ہیں۔ 2022 میں ریلیز ہوئی ’کے جی ایف چیپٹر 2‘ کی زبردست کامیابی کے بعد یش کی اس فلم کو لے کر ناظرین میں خاصا جوش و خروش ہے۔ گیتو موہن داس کی ہدایت کاری میں بنی فلم کا ٹیزر اور ٹریلر پہلے ہی جاری کیا جاچکا ہے۔ اب خبر ہے کہ ’ٹاکسک‘ کو دنیا بھر میں تقریباً 12 ہزار اسکرینز پر ریلیز کرنے کی تیاری ہے۔ اگر یہ تعداد حتمی شکل اختیار کرتی ہے تو یہ کسی ہندوستانی فلم کی سب سے بڑی عالمی ریلیز میں سے ایک ہوگی۔

’ٹاکسک‘ 26 اگست کو دنیا بھر کے سنیما گھروں میں ریلیز ہونے والی ہے اور فلم کی ایڈوانس بکنگ 21 اگست سے شروع ہونے کی امید ہے۔ رپورٹ کے مطابق، فلم سازوں نے فلم کو بڑے پیمانے پر ریلیز کرنے کا منصوبہ بنایا ہے اور دنیا بھر میں تقریباً 12 ہزار اسکرینز کا ہدف رکھا ہے۔ تاہم، حتمی اسکرین کاؤنٹ کی باضابطہ تصدیق ابھی باقی ہے۔ اتنے بڑے پیمانے پر ریلیز ملنے سے فلم کو پہلے دن باکس آفس پر شاندار کمائی کرنے کا موقع مل سکتا ہے۔ یش کی گزشتہ فلم ’کے جی ایف چیپٹر 2‘ کی مقبولیت کو دیکھتے ہوئے فلم سے ریکارڈ اوپننگ کی امید کی جا رہی ہے۔

کے وی این پروڈکشنز اور یش کی مونسٹر مائنڈ کریئیشنز کے بینر تلے بنی ’ٹاکسک‘ کو مرکزی فلم سرٹیفکیشن بورڈ (سی بی ایف سی) سے ’اے‘ سرٹیفکیٹ مل چکا ہے۔ فلم میں یش کے ساتھ کیارا اڈوانی، نین تارا، تارا ستاریا اور ہما قریشی جیسے فنکار اہم کرداروں میں نظر آئیں گے۔ فلم کی بڑے پیمانے پر تیاری اور اسٹار کاسٹ نے اس کی ریلیز کو لے کر ناظرین کا جوش مزید بڑھا دیا ہے۔

ہندوستھان سماچار

---------------

ہندوستان سماچار / عبدالواحد