ایمسٹلوین، 15 اگست (ہ س)۔ ہندوستانی مردوں کی ہاکی ٹیم نے ایف آئی ایچ مینز ہاکی ورلڈ کپ 2026 میں شاندار آغاز کرتے ہوئے ہفتہ کے روز ایمسٹلوین میں واقع واگنر اسٹیڈیم میں ویلز کو 1-3 سے ہرا دیا۔ کپتان ہرمن پریت سنگھ نے دو گول داغے، جبکہ سنجے نے ایک گول کیا۔

ہندوستان نے آغاز سے ہی میچ پر اپنا دباو برقرار رکھا۔ ٹیم کے تینوں گول پنالٹی کارنر کے ذریعے آئے۔ پہلے کوارٹر میں سنجے نے پنالٹی کارنر کو گول میں تبدیل کر کے ہندوستان کو سبقت دلائی۔ اس کے بعد کپتان ہرمن پریت نے اپنی شاندار ڈریگ فلک سے مزید دو گول داغے۔ ان کے دونوں گولوں نے ہندوستان کی سبقت کو مستحکم کیا اور ٹیم نے مقابلے پر اپنی گرفت مضبوط رکھی۔

ویلز کی جانب سے سیم ویلش نے چوتھے کوارٹر میں گول کر کے فرق کو کم کیا، لیکن ہندوستانی ٹیم نے اس کے بعد کوئی اور موقع نہیں دیا اور میچ 1-3 سے اپنے نام کر لیا۔

یہ ویلز کا محض دوسرا ہاکی ورلڈ کپ ہے۔ ہندوستان نے اس جیت کے ساتھ پول ڈی میں اپنی مہم کا مضبوط آغاز کیا ہے۔ ہندوستان کا اگلا مقابلہ 17 اگست کو انگلینڈ سے ہوگا۔ یہ میچ بھی واگنر اسٹیڈیم میں کھیلا جائے گا۔

ہندوستھان سماچار

---------------

ہندوستان سماچار / انظر حسن