رانچی، 15 اگست (ہ س)۔ جھارکھنڈ میں آئندہ چند دنوں کے دوران شدید بارش کا سلسلہ جاری رہنے کا امکان ہے۔ محکمہ موسمیات نے ریاست کے آٹھ اضلاع میں 17 اور 18 اگست کو بہت زیادہ بارش کی وارننگ جاری کرتے ہوئے اورنج الرٹ جاری کیا ہے۔

محکمہ موسمیات کے مطابق، 17 اگست کو لوہردگا، گملا، کھونٹی اور سمڈیگا میں بہت زیادہ بارش ہونے کا امکان ہے۔ وہیں 18 اگست کو لاتیہار، پلامو، چترا اور ہزاری باغ میں بہت زیادہ بارش کی پیش گوئی کی گئی ہے۔ ان اضلاع میں موسم کے حوالے سے خصوصی احتیاط برتنے کا مشورہ دیا گیا ہے۔

گزشتہ 24 گھنٹوں کے دوران ریاست میں سب سے زیادہ بارش سمڈیگا ضلع کے بولبا میں 76.6 ملی میٹر ریکارڈ کی گئی۔ اس دوران ریاست میں سب سے زیادہ درجہ حرارت پاکڑ میں 33.1 ڈگری سیلسیس اور سب سے کم درجہ حرارت لاتیہار میں 22.3 ڈگری سیلسیس ریکارڈ کیا گیا۔

دارالحکومت رانچی اور آس پاس کے علاقوں میں ہفتہ کی صبح سے آسمان پر بادل چھائے رہے اور درمیانی درجے کی بارش ہوئی۔ تاہم دوپہر کے بعد موسم صاف ہو گیا اور دھوپ نکلی رہی۔

رانچی میں ہفتہ کو زیادہ سے زیادہ درجہ حرارت 26 ڈگری اور کم سے کم 23.4 ڈگری سیلسیس ریکارڈ کیا گیا۔ وہیں جمشیدپور میں زیادہ سے زیادہ درجہ حرارت 28.9 ڈگری اور کم سے کم 26 ڈگری، ڈالٹن گنج میں زیادہ سے زیادہ 31.6 اور کم سے کم 25.6 ڈگری، بوکارو میں زیادہ سے زیادہ 31.5 اور کم سے کم 25.6 ڈگری اور چائی باسا میں زیادہ سے زیادہ 31.8 اور کم سے کم 25.2 ڈگری سیلسیس ریکارڈ کیا گیا۔

محکمہ موسمیات کے اورنج الرٹ کو دیکھتے ہوئے 17 اور 18 اگست کو متعلقہ اضلاع میں لوگوں کو موسم کی صورتحال پر نظر رکھنے اور ضروری احتیاط برتنے کا مشورہ دیا گیا ہے۔

ہندوستھان سماچار

---------------

ہندوستان سماچار / عبدالواحد