شملہ، 10 اگست (ہ س)۔

ہماچل پردیش میں مانسون ایک بار پھر سرگرم ہو گیا ہے۔ شملہ سمیت ریاست کے کئی حصوں میں گزشتہ رات موسلادھار بارش ہوئی۔ محکمہ موسمیات نے 16 اگست تک بارش کا سلسلہ جاری رہنے کی پیش گوئی کی ہے۔ آج اور کل 11 اگست کو بعض مقامات پر شدید سے انتہائی شدید بارش کا امکان ہے۔ اس کے بعد 14 سے 16 اگست کے درمیان بھی کئی مقامات پر شدید بارش کی وارننگ جاری کی گئی ہے۔ مسلسل بارش کے باعث لینڈ سلائیڈنگ کا خطرہ بڑھ گیا ہے اور کئی سڑکیں، بجلی کے ٹرانسفارمر اور پینے کے پانی کی اسکیمیں متاثر ہوئی ہیں۔

گزشتہ 24 گھنٹوں کے دوران دھرم شالہ میں سب سے زیادہ 60 ملی میٹر بارش ریکارڈ کی گئی۔ سولن ضلع کے ارکی میں 50 ملی میٹر، شملہ ضلع کے ٹھیوگ میں 40 ملی میٹر، سرمور کے پاونٹا صاحب میں 40 ملی میٹر اور شملہ میں 40 ملی میٹر بارش ہوئی۔ منڈی ضلع کے جوگندر نگر میں بھی 40 ملی میٹر بارش ریکارڈ کی گئی۔

شملہ کے جوبڑہٹی ایئرپورٹ میں 30 ملی میٹر، شملہ اے ڈبلیو ایس میں 30 ملی میٹر، بلاسپور کے گھاگھس میں 30 ملی میٹر، شملہ ضلع کے شیلارو میں 30 ملی میٹر، سرمور کے سرہان میں 30 ملی میٹر اور منڈی کے کٹولا میں 30 ملی میٹر بارش ہوئی۔ منڈی کے بجاہی میں بھی 30 ملی میٹر بارش ریکارڈ کی گئی۔

محکمہ موسمیات کے مطابق 11 اگست کو کانگڑا، منڈی اور سرمور میں شدید سے انتہائی شدید بارش کا اورنج الرٹ جاری کیا گیا ہے۔ اونا، بلاسپور، ہمیرپور، چمبہ، شملہ اور سولن کے لیے یلو الرٹ ہے۔

12 اگست کو بلاسپور، چمبہ، کانگڑا، منڈی، سولن اور سرمور میں شدید بارش کا یلو الرٹ ہے۔ 13 اگست کو بلاسپور، ہمیرپور، چمبہ، کانگڑا اور منڈی میں یلو الرٹ رہے گا۔ 14 اگست کو ہمیرپور، چمبہ، کانگڑا، کلو اور منڈی میں یلو الرٹ جاری کیا گیا ہے۔ 15 اور 16 اگست کو بھی ریاست کے کئی اضلاع میں یلو الرٹ رہے گا۔

بارش کا اثر ریاست کی سڑکوں اور بجلی کے نظام پر بھی نظر آ رہا ہے۔ ریاستی ایمرجنسی آپریشن سینٹر کے پیر کی صبح تک کے اعداد و شمار کے مطابق ریاست میں لینڈ سلائیڈنگ کے باعث 124 سڑکیں بند ہیں۔ 255 بجلی کے ٹرانسفارمر اور پینے کے پانی کے 17 منصوبے بھی متاثر ہوئے ہیں۔

ہندوستھان سماچار

ہندوستان سماچار / عطاءاللہ