سلی گڑی، 4 جولائی (ہ س)۔

قدرتی آفات اور مشکل جغرافیائی حالات کے درمیان، دارجلنگ ہمالین ریلوے (ڈی ایچ آر) کی عالمی شہرت یافتہ ٹوائے ٹرین نے ایک بار پھر اپنی مضبوطی اور مقبولیت کا ثبوت دیا ہے۔ بار بار لینڈ سلائیڈنگ جیسے سنگین چیلنجوں کا سامنا کرنے کے باوجود، ٹوائے ٹرین نے مئی اور جون 2026 میں ریکارڈ توڑ ریونیو کما کر تاریخ رقم کی۔

ہفتہ کو سکنا ریلوے اسٹیشن پر منعقدہ 145 ویں عالمی ثقافتی ورثہ ہیریٹیج ٹوائے ٹرین ڈے کی تقریبات کے دوران، ڈی ایچ آر کے ڈائریکٹر رشبھ چودھری نے بتایا کہ ٹوائے ٹرین نے مئی 2026 میں تقریباً تین کروڑ95لاکھ روپے کی کمائی کی تھی جبکہ جون میں یہ بڑھ کر3کروڑ 98لاکھ روپے تک پہنچ گیا۔ یہ اب تک کی سب سے زیادہ ماہانہ آمدنی میں سے ایک ہے۔

انہوں نے کہا کہ پہاڑی علاقوں میں بار بار لینڈ سلائیڈنگ کے باعث ٹوائے ٹرین کے کام میں عارضی خلل پڑتا ہے لیکن اس کی رفتار اور مقبولیت پر کوئی فرق نہیں پڑا۔ بروقت مرمت اور ٹریک کی بحالی کی وجہ سے سیاحوں کا اعتماد برقرار رکھتے ہوئے سروس کو تیزی سے بحال کیا جاتا ہے۔

قابل ذکر ہے کہ 4 جولائی 1881 کو دارجلنگ ہمالیائی ریلوے کی ٹوائے ٹرین نے سب سے پہلے سلی گڑی سے دارجلنگ تک اپنا سفر شروع کیا تھا۔ تقریباً 150 سالوں سے یہ ٹرین نہ صرف نقل و حمل کا ایک ذریعہ رہی ہے بلکہ ہندوستان کے بھرپور ثقافتی ورثے کی زندہ علامت بھی ہے۔

ہندوستھان سماچار

ہندوستان سماچار / عطاءاللہ