اداکارہ بھومی پیڈنیکر تایخی واقعات پر مبنی ہدایتکار سندیپ سنگھ کی اگلی فلم ”دی پرائیڈ آف بھارت: چھترپتی شیواجی مہاراج“ میں اہم کردار ادا کرتی نظر آئیں گی۔ وہ اس فلم میں بہادر جنگجو رانی بیلاواڑی ملّما کا کردار ادا کریں گی۔ اداکار رشبھ شیٹی چھترپتی شیواجی مہاراج کا کردار ادا کرتے نظر آئیں گے۔ فلم کی اسٹار کاسٹ میں ارجن رامپال اور وویک اوبرائے بھی شامل ہیں۔
یہ تاریخی ڈرامہ فلم ، جو دو حصوں میں بنائی جا رہی ہے اور اس میں چھترپتی شیواجی مہاراج کی زندگی، ان کی بہادری اور تاریخی تعاون کو بڑے پیمانے پر بڑے پردے پر پیش کیا جائے گا۔فلم کی کہانی رشی ورمانی نے لکھی ہے جبکہ موسیقی امت ترویدی نے دی ہے اور نغمہ نگار پرسون جوشی ہیں۔ پروڈیوسر-ڈائریکٹر سندیپ سنگھ اس بڑے پروجیکٹ کو وسیع پیمانے پر تیار کر رہے ہیں۔
فلم کی پری پروڈکشن فی الحال جاری ہے اور اس کی شوٹنگ اس سال کے آخر میں شروع ہونے کی امید ہے۔ اس دوران ، رشبھ شیٹی کے پاس ایک اور بڑا پروجیکٹ ”جئے ہنومان“ بھی ہے جس میں وہ مرکزی کردار ادا کریں گے۔ ”دی پرائیڈ آف بھارت: چھترپتی شیواجی مہاراج“ کو ہندوستانی تاریخ اور بہادری پر مبنی سب سے زیادہ پرجوش فلموں میں سے ایک سمجھا جا رہا ہے۔
ہندوستھان سماچار
ہندوستان سماچار / محمد شہزاد
