ہندوستانی کھیل کی تاریخ میں 27 جولائی نشانہ بازی کے شعبے کی ایک تاریخی کامیابی کے طور پر درج ہے۔ اسی دن سال 1994 میں ہندوستان کے نوجوان نشانہ باز جسپال رانا نے اٹلی کے شہر میلان میں منعقدہ 46ویں عالمی نشانہ بازی چیمپئن شپ کے جونیئر زمرے میں سونے کا تمغہ جیت کر ملک کا وقار بڑھایا۔

جسپال رانا نے مقابلے میں 600 میں سے 569 پوائنٹس حاصل کر کے نیا ریکارڈ بنایا اور عالمی سطح پر اپنی صلاحیتوں کا لوہا منوایا۔ اس شاندار کارکردگی نے انہیں بین الاقوامی نشانہ بازی کی دنیا میں نئی شناخت دلائی اور ہندوستان کا نام عالمی کھیل کے اسٹیج پر وقار کے ساتھ قائم کیا۔

یہ کامیابی جسپال رانا کے کیریئر کا پہلا عالمی سطح کا سونے کا تمغہ تھی۔ اس کے بعد انہوں نے ایشیائی کھیلوں، کامن ویلتھ کھیلوں اور دیگر بین الاقوامی مقابلوں میں متعدد تمغے جیت کر ہندوستانی نشانہ بازی کو نئی بلندیوں تک پہنچایا۔

جسپال رانا کی یہ تاریخی فتح ہندوستانی نشانہ بازی کے لیے ایک بااثر لمحہ ثابت ہوئی۔ ان کی کامیابی نے ملک کے متعدد نوجوان کھلاڑیوں کو اس کھیل کی طرف راغب کیا اور ہندوستان کو عالمی نشانہ بازی میں ایک مضبوط شناخت دلانے کی سمت میں اہم کردار ادا کیا۔

دیگر اہم واقعات:

1789 - پہلی فیڈرل ایجنسی دی ڈپارٹمنٹ آف فارن افیئرز کا قیام۔

1862 - امریکی شہر کینٹن میں طوفان کی تباہ کاری، 40 ہزار افراد کی موت۔

1888 - فلپ پراٹ نے پہلی الیکٹرک آٹوموبائل کا مظاہرہ کیا۔

1897 - بال گنگادھر تلک پہلی بار گرفتار کیے گئے۔

1935 - چین کی یانگ جی اور ہوانگ ندی میں سیلاب سے دو لاکھ افراد کی موت۔

1939 - سی آر پی ایف کا قیام عمل میں آیا۔

1940 - ’اَوائلڈ ہیئر‘ نامی کارٹون شارٹ فلم میں پہلی بار بگز بنی دنیا کے سامنے آیا۔

1982 - اس وقت کی وزیراعظم اندرا گاندھی کا تقریباً 11 سال میں پہلا امریکی دورہ۔

1987 - محققین نے ٹائٹینک کا ملبہ دریافت کیا۔

1987 - ایک ہندوستانی ماہر حیاتیات اور ماہر فطرت سلیم علی کا انتقال۔

1990 - گراہم گوچ کے ذریعہ لارڈز میں ہندوستان کے خلاف 333 رنوں کا اسکور بنایا گیا۔

1992 - مشہور اداکار امجد خان کا انتقال۔

1994 - نشانہ باز جسپال رانا نے عالمی شوٹنگ چیمپئن شپ میں سونے کا تمغہ جیتا۔

1996 - امریکہ کی جارجیا ریاست کے اٹلانٹا شہر میں منعقدہ اولمپک کھیلوں کی رنگا رنگ تقریب کے دوران بم دھماکہ۔

2002 - یوکرین میں ایک طیارہ حادثے میں 70 افراد مارے گئے۔

2003 - امریکہ نے یمن کو اسکڈ میزائل فروخت کرنے والی شمالی کوریائی کمپنی پر نئی پابندیاں عائد کیں۔

2006 - روسی لانچ وہیکل ’نیپر‘ زمین پر گرا۔

2007 - آسٹریلیا کے سائنس دانوں نے دعویٰ کیا کہ انہوں نے ایک دیو ہیکل جبڑے کی ہڈی دریافت کی ہے جو تقریباً 40,000 سال پہلے زندہ تھی۔

2015 - سائنسداں، سیاست داں اور ہندوستان کے 11ویں صدر جمہوریہ ڈاکٹر عبدالکلام کا انتقال۔

ہندوستھان سماچار

---------------

ہندوستان سماچار / انظر حسن