گلاسگو، 23 جولائی (ہ س)۔ اسکاٹ لینڈ کے شہر گلاسگو میں جمعرات سے شروع ہونے والے کامن ویلتھ گیمز 2026 میں بھارت کا پہلا تمغہ افتتاحی تقریب سے پہلے ہی یقینی ہو گیا ہے۔ ہندوستان کی اسٹار باکسر لولینا بورگوہین کو خواتین کے 75 کلوگرام زمرے کے سیمی فائنل میں براہِ راست جگہ مل گئی ہے، جس کے بعد ان کا کم از کم کانسے کا تمغہ پکا ہو گیا ہے۔

خواتین کے 75 کلوگرام زمرے میں صرف پانچ باکسر حصہ لے رہی ہیں، اسی وجہ سے لولینا کو پہلے مرحلے میں بائی ملی اور وہ سیدھے سیمی فائنل میں پہنچ گئیں۔ کامن ویلتھ گیمز کے قوانین کے مطابق سیمی فائنل میں شکست کھانے والے دونوں باکسرز کو کانسی کا تمغہ دیا جاتا ہے، اس لیے لولینا کا تمغہ پہلے ہی یقینی ہو چکا ہے۔

28 سالہ لولینا اب جولائی میں ہونے والے سیمی فائنل میں ٹووالو کی ٹی کے بی پی تافاکی کا سامنا کریں گی۔ اگر وہ یہ مقابلہ جیت جاتی ہیں تو فائنل میں پہنچ کر سونے کے تمغے کے لیے مقابلہ کریں گی۔

اولمپک میں کانسے کا تمغہ جیتنے والی لولینا کے لیے یہ کامن ویلتھ گیمز کا پہلا تمغہ ہوگا۔ اس سے قبل برمنگھم 2022 کامن ویلتھ گیمز میں وہ لائٹ مڈل ویٹ زمرے کے کوارٹر فائنل تک پہنچی تھیں، جہاں انہیں ویلز کی روزی ایکلس کے ہاتھوں شکست کا سامنا کرنا پڑا تھا۔

لولینا بورگوہین کو ویٹ لفٹنگ کی اسٹار میرابائی چانو کے ساتھ گلاسگو کامن ویلتھ گیمز 2026 کی افتتاحی تقریب میں بھارتی دستے کا مشترکہ پرچم بردار بھی مقرر کیا گیا ہے۔

ہندوستھان سماچار

---------------

ہندوستان سماچار / عبدالواحد