نئی دہلی، 17 جولائی (ہ س)۔

عام آدمی پارٹی کے قومی کنوینر اور دہلی کے سابق وزیر اعلی اروند کیجریوال نے پرم ویر چکر ایوارڈ یافتہ فلائنگ آفیسر نرمل جیت سنگھ سیکھوں کو ان کے یوم پیدائش پر خراج عقیدت پیش کیا۔ انہوں نے کہا کہ سیکھوں کی غیرمعمولی بہادری، بے مثال جرا¿ت، حب الوطنی اور اعلیٰ قربانیاں اہل وطن بالخصوص نوجوانوں کے لیے مشعل راہ ہیں۔

جمعہ کو سوشل میڈیا پر پوسٹ کیے گئے ایک پیغام میں، اروند کیجریوال نے پرم ویر چکرا ایوارڈ یافتہ فلائنگ آفیسر نرمل جیت سنگھ سیکھوں کو خراج عقیدت پیش کیا، جنہوں نے 1971 کی جنگ میں دشمن کے طیارے کو تباہ کیا ۔ انہوں نے کہا کہ ملک کا ہر بچہ ان کی غیر معمولی بہادری، حب الوطنی اور قربانی سے متاثر ہے۔

انہوں نے کہا کہ ایسے بہادر بیٹوں کی زندگیاں ہمیں قومی مفاد کو ترجیح دینے اور فرض سے سرشار رہنے کا درس دیتی ہیں۔

قابل ذکر ہے کہ فلائنگ آفیسر نرمل جیت سنگھ سیکھوں 17 جولائی 1945 کو پنجاب کے لدھیانہ ضلع کے گاو¿ں رورکا (ایسوال) میں پیدا ہوئے۔ سیکھوں ہندوستانی فضائیہ کے واحد افسر ہیں جنہیں پرم ویر چکر سے نوازا گیا ہے۔ 14 دسمبر 1971 کو، سری نگر ایئربیس کا دفاع کرتے ہوئے، انہوں نے بے خوفی سے پاکستانی لڑاکا طیاروں کا مقابلہ کیا۔ ان کے والد ترلوچن سنگھ سیکھوں بھی ہندوستانی فضائیہ میں وارنٹ آفیسر تھے۔ انہوں نے جون 1967 میں بطور پائلٹ شمولیت اختیار کیا تھا ۔

ہندوستھان سماچار

ہندوستان سماچار / عطاءاللہ