پٹنہ، 17 جولائی(ہ س)۔وزیر اعلیٰ سمراٹ چودھری کے سامنے وزیر اعلیٰ سکریٹریٹ میں واقع 'سمواد‘ میں منعقدہ ایک پروگرام میں محکمہ انفارمیشن ٹیکنالوجی اور سروم ڈاٹ اے آئی (ایکسونائز پرائیویٹ لمیٹڈ) اور بھارت جی پی ٹی (CoRover Pvt.Ltd.)کے درمیان مفاہمت نامے پر دستخط کیے گئے۔ انفارمیشن ٹیکنالوجی ڈپارٹمنٹ سے وابستہ افسران، سروم ڈاٹ آئی اور بھارت جی پی ٹی نے ایک دوسرے کے درمیان میمورنڈم کا تبادلہ کیا۔مفاہمت کی یادداشت (ایم او یو) سے بہت سے مقاصد حاصل ہوں گے۔ اس کے تحت آرٹیفیشل انٹیلی جنس (اے ایس) تک رسائی ریاست کے ہر شہری اور سرکاری اہلکار کے لیے قابل رسائی اور آسان ہوگی اور اے آئی کے بہتر استعمال اور ترقی کے لیے ایک مضبوط انفراسٹرکچر بنانے میں مدد ملے گی۔ ریاستی محکموں کو ہندوستان میں بنائے گئے بنیادی اے آئی ماڈلز اور ایپلی کیشنز تک رسائی یقینی ہوسکے گی۔ بہار کے منظور شدہ محققین کو ہندوستانی زبانوں اور مقامی بولیوں میں اپنی اے آئی تحقیقی صلاحیتوں کو مضبوط کرنے میں سہولت ہوگی۔ مقامی زبانوں میں مقامی مسائل کے حل تلاش کربہار کو قومی سطح پر اے آئی سے چلنے والی حکمرانی کے ماڈل کے طور پر قائم کرنے میں مدد ملے گی۔ سرکاری ملازمین کے لیے ٹریننگ صلاحیت سازی، اور ایک مقامی پارٹنر ایکو سسٹم تیار ہوسکے گا ۔جس سے طویل مدت تک سے آئی کی ترقی کوتقویت ملے گی۔وزیر اعلیٰ نے کہا کہ یہ ڈیجیٹل بہار کی تعمیر اور ترقی یافتہ بہار کے عزم کو عملی جامہ پہنانے کی سمت میں ایک اہم پہل ہے۔ بہار کی ضروریات کے مطابق مقامی اے آئی اڈل تیار کیا جائے گا۔ سرکاری خدمات کو زیادہ شفاف، تیز، آسان اور شہریوں پر مبنی بنانے کے لیے اے آئی پر مبنی حل تیار کیے جائیں گے۔ ریاست میں اے آئی اسکل ڈیولپمنٹ اور صلاحیت سازی کے پروگرام بڑے پیمانے پر چلائے جائیں گے۔اے آئی پر مبنی اسٹارٹ اپ حالات کے نظام کو فروغ دینے کے لیے مدد اور رہنمائی فراہم کی جائے گی۔محکمہ انفارمیشن ٹکنالوجی کے سکریٹری مسٹر ابھے کمار سنگھ نے وزیر اعلیٰ کو پودا پیش کرتے ہوئے ان کا خیرمقدم کیا۔اس موقع پر نائب وزیر اعلیٰ وجیندر پرساد یادو، انفارمیشن ٹیکنالوجی کے وزیر نتیش مشرا، وزیر اعلیٰ کے پرنسپل سکریٹری دیپک کمار، چیف سکریٹری پرتیا امرت، وزیر اعلیٰ کے سکریٹری لوکیش کمار سنگھ، انفارمیشن ٹکنالوجی محکمہ کے سکریٹری ابھے کمار سنگھ، انفارمیشن ٹکنالوجی محکمہ کے اسپیشل سکریٹری اروند کمارچودھری، بھارت جی پی ٹی (کروور پرائیوٹ لمیٹیڈ) کے وائس چیئر مین ششانک شیکھر ٹھاکر، سروم ڈاٹ اے آئی (ایکسو نوائز پرائیویٹ لمیٹڈ) کے چیف آپریٹنگ آفیسر راج چوہان اور دیگر سینئر افسران موجود تھے۔ہندوستھان سماچار

ہندوستان سماچار / Mohammad Afzal Hassan