بانکی پور میں این ڈی اے امیدوار نیرج سنہا کی عوامی رابطہ مہم تیزپٹنہ، 16 جولائی (ہ س)۔ بانکی پور اسمبلی ضمنی انتخاب میں نیشنل ڈیموکریٹک الائنس (این ڈی اے) کے حمایت یافتہ بھارتیہ جنتا پارٹی کے امیدوار نیرج کمار سنہا کی عوامی رابطہ مہم مسلسل زور پکڑ رہی ہے۔ جمعرات کے روز انہوں نے حلقہ کے مختلف وارڈوں، بازاروں، محلوں اور عوامی مقامات پر لوگوں سے رابطہ کیا اور این ڈی اے کے حق میں ووٹ دینے کی اپیل کی۔ عوامی رابطہ مہم کا آغاز صبح سویرے وارڈ 21 کے سری کرشنا پوری پارک سے ہوا۔اس کے بعد مہم کا آغاز سری کرشن پوری محلہ میں چائے پر ملاقاتوں سے ہوا۔ مقامی لوگوں نے علاقے کی ترقی کے لیے مثبت تجاویز پیش کیں اور بی جے پی پر اپنے اعتماد کا اظہار کیا۔ عوامی رابطہ مہم اس کے بعد اشوک راج پتھ واقع شری ہنومان مندر کمپلیکس پہنچی، جہاں مقامی باشندوں سے بات چیت کی۔ اس کے بعد وارڈ 37 کے مختلف علاقوں میں گھر گھر رابطہ کیا گیا۔ نیرج سنہا نے دعویٰ کیا کہ بانکی پور میں عوامی رابطہ مہم کو عوام کی حمایت مل رہی ہے۔ انہوں نے بانکی پور کے لوگوں کی محبت اور پیار کا اظہار کرتے ہوئے اظہار تشکر کیا۔ انہوں نے زور دے کر کہا کہ یہاں کے عوام نے اس ضمنی انتخاب میں کمل کی جیت کو یقینی بنایا ہے۔ہندوستھان سماچار

ہندوستان سماچار / Mohammad Afzal Hassan