ہنوئی، 11 جولائی (ہ س)۔

ویتنام کے فو کیوک جزیرے کے قریب ہندوستانی سیاحوں کو لے جانے والی ایک کشتی کے پلٹنے سے 15 افراد ہلاک ہو گئے ہیں جبکہ اکیس افراد کو بچا لیا گیا ہے۔ کشتی میں 32 ہندوستانی سیاح اور عملے کے چار ارکان سوار تھے۔

مقامی میڈیا نے بتایا کہ ویتنام کے حکام نے بتایا کہ کشتی الٹنے سے 15 ہندوستانی سیاح ہلاک ہوگئے۔ حادثے کے وقت جہاز میں 32 ہندوستانی سیاح اور عملے کے چار ارکان سوار تھے۔ اکیس افراد کو بچا کر ہسپتال لے جایا گیا جن میں سے دو کی حالت تشویشناک ہے۔ تمام 15 لاشیں نکال لی گئی ہیں۔ زیادہ تر ہندوستانی سیاحوں کا تعلق آندھرا پردیش اور تلنگانہ سے تھا۔ کشتی کا حادثہ صبح تقریباً 10:30 بجے پیش آیا۔

ہنوئی میں ہندوستانی سفارتخانے نے سوشل میڈیا پلیٹ فارم ایکس پر ایک پوسٹ میں کہا،’ایک المناک واقعے میں، چند گھنٹے قبل ویتنام کے فو کیوک جزیرے کے قریب کئی ہندوستانی سیاحوں کو لے جانے والی ایک کشتی الٹ گئی۔ پورے واقعے کی تحقیقات کی جا رہی ہیں اور مقامی حکام کی جانب سے تلاش اور بچاو آپریشن جاری ہے۔

معلومات اور مدد کے لیے ہو چی منہ شہر میں قونصلیٹ جنرل آف انڈیا اور ہنوئی میں سفارت خانے میں کنٹرول روم قائم کیے گئے ہیں۔

کنٹرول روم سے درج ذیل نمبروں پر رابطہ کیا جا سکتا ہے:84 36 281 7930،84 91 552 37 14 اور 84 33 452 0414۔

ہنوئی میں دوسرے کنٹرول روم سے اس نمبر پر رابطہ کیا جا سکتا ہے: 84 91 308 9165۔

ہندوستھان سماچار

ہندوستان سماچار / Mohammad Khan