پریاگ راج، 3 جون (ہ س)۔ اتر پردیش کے پریاگ راج میں پولیس نے ایک ہی خاندان کے چار افراد کے قتل کا معاملہ حل کر لیا ہے۔ پولیس نے بتایا کہ تاجر وریندر ویشیا کے بیٹے ابھیشیک نے قتل کی سازش رچی تھی۔ اس نے اپنے دوست کے ساتھ مل کر اپنے والد، ماں انکیتا اور 45 سالہ بہن میناکشی کو قتل کر دیا۔ بعد میں، ابھیشیک اور اس کے دوست کے درمیان چوری شدہ زیورات کی تقسیم پر لڑائی شروع ہوگئی۔ معاملہ اس حد تک بڑھ گیا کہ دوست نے ابھیشیک کو بھی مار ڈالا۔ پولیس نے ملزم دوست کو گرفتار کر لیا ہے۔

پولیس کمشنر جوگیندر کمار سنگھ نے بتایا کہ گرفتار ملزم کا نام سنی گپتا ہے جو مٹھی گنج تھانہ علاقہ کے مہابیرن گلی کا رہنے والا ہے۔ اس کی شناختپر قتل کا ہتھیار، ایک لوہے کی راڈ اور تقریباً 1.5 کروڑ روپے کے زیورات برآمد ہوئے۔

منگل کو پریاگ راج ضلع کے کوتوالی تھانہ علاقے کے جنوبی ملاکا محلہکے ہیویٹ اسکوائر کے رہنے والے وریندر ویش، ان کی بیوی انیتا ویش، بیٹی میناکشی ویش کی لاشیں گھر کے اندر سے ملی تھیں اور ابھیشیک ویش کی لاش دکان کے نیچے سے ملی تھی۔

پولیس کے مطابق ملزم سنی کی وریندر ویشیا کے بازار میں سموسے کی دکان تھی۔ وہ وریندر کے بیٹے ابھیشیک کے اچھے دوست تھے اور وہ اکثر اکٹھے کھانا کھاتے تھے۔ پوچھ گچھ کے دوران انکشاف ہوا کہ ابھیشیک بہت زیادہ قرض میں ڈوبا ہوا تھا اور اس کے والد نے اسے جائیداد سے بے دخل کردیا تھا۔ ابھیشیک اور ان کے والد کے درمیان اکثر یہ مسئلہ رہتا تھا۔ نتیجتاً، ابھیشیک نے سنی کے ساتھ مل کر قتل کا منصوبہ بنایا۔ 31 مئی کی رات کو ابھیشیک نے سنی سے بیئر اور کچوڑی کا آرڈر دیا اور دونوں نے ایک ساتھ کھایا پیا۔ اس کے بعد ابھیشیک نے پہلے اپنی بہن کو راڈ سے مار ڈالا، اس کے بعد اپنی ماں، انیتا اور باپ کو مارڈالا۔ پولیس کو گمراہ کرنے کے لیے ابھیشیک نے ایک فائل پر لکھا، بنٹی اور ببلی بہو نے قتل کیاہے، تاکہ الزام ابھیشیک کے بھائی اشونی پر آئے۔ قتل کے بعد، ابھیشیک نے الماری سے تقریباً 1.5 کروڑ روپے کے زیورات نکالے اور سنی کے ساتھ نیچے اس کی دکان پر چلا گیا۔

اس کے بعد ابھیشیک نے سنی کو کچھ زیورات دیے اور اسے جانے کو کہا۔ اس تقسیم کی وجہ سے سنی گپتا نے اپنا ارادہ بدل لیا اور 1.5 کروڑ روپے کے زیورات کے لالچ میں اس نے دکان کے اندر ابھیشیک کا اسی ڈنڈے سے قتل کر دیا۔ ابھیشیک کو قتل کرنے کے بعد سنی نے زیورات کو ایک بیگ میں رکھا اور ثبوت مٹانے کے لیے لاش کو ڈٹرجنٹ پاوڈر سے دھویا۔ اس کے بعد وہ فرار ہوگیا۔ کیس کی تفتیش کرنے والی پولیس نے ملزم سنی کو سی سی ٹی وی کیمروں کی مدد سے گرفتار کر لیا۔

---------------

ہندوستان سماچار / عبدالسلام صدیقی