علی گڑھ، 29 جون (ہ س)۔ علی گڑھ کے سینئر سپرنٹنڈنٹ آف پولیس (ایس ایس پی) نیرج جادون نے فرائض کی انجام دہی میں لاپروائی برتنے پر تھانہ روراور کے انچارج ونشی دھر پانڈے اور تھانہ مہواکھیڑا کے انچارج اویدیش کمار کو فوری اثر سے معطل کر دیا ہے۔

پولیس کے مطابق عوامی سماعت کے دوران روراور کے رہائشی سہیل خان نے شکایت کی کہ تھانہ انچارج نے ان کے ساتھ بدسلوکی کرتے ہوئے غلط طور پر دفعہ 170/126/135 بی این ایس ایس کے تحت کارروائی کی۔ ابتدائی جانچ میں شکایت درست پائے جانے پر انچارج روراور کے خلاف محکمہ جاتی تحقیقات شروع کر دی گئی ہیں۔

دوسری جانب تھانہ مہواکھیڑا کے انچارج پر ایک درخواست گزار کی زمین کی باؤنڈری، درخت توڑنے اور مارپیٹ کی شکایت پر بروقت قانونی کارروائی نہ کرنے اور فرائض میں سنگین غفلت برتنے کا الزام ثابت ہونے پر انہیں بھی معطل کرتے ہوئے محکمہ جاتی انکوائری کا حکم دیا گیا ہے۔

---------------

ہندوستان سماچار / سید کامران علی گڑھ