نئی دہلی، 27 جون (ہ س)۔

بھارتیہ جنتا پارٹی کے قومی صدر نتن نوین 28 تا 30 جون تلنگانہ کے دورہ پر ہوں گے۔ اپنے وسیع دورے کے دوران، نتن نوین کئی اعلیٰ سطحی میٹنگوں کی صدارت کریں گے جن کا مقصد ریاست میں پارٹی کے تنظیمی ڈھانچے کو تقویت دینا، نچلی سطح تک رسائی کو وسعت دینا، اور مستقبل کی حکمت عملیوں کو حتمی شکل دینا ہے۔ وہ نوتعمیر شدہ ضلعی دفاتر کا بھی افتتاح کریں گے، یوتھ اور بوتھ صدور سے بات چیت کریں گے اور تلنگانہ اسٹیٹ بی جے پی اسٹیٹ ایگزیکٹیو میٹنگ کا باضابطہ افتتاح کریں گے اور پارٹی کارکنوں کو رہنمائی فراہم کریں گے۔

بی جے پی نے مطلع کیا کہ نتن نوین اتوار کی سہ پہر حیدرآباد کے راجیو گاندھی بین الاقوامی ہوائی اڈے پر پہنچیں گے، جہاں پارٹی کارکنان ان کا شاندار استقبال کریں گے۔ شام 4 بجے، وہ رنگاریڈی دیہی ضلع بی جے پی کے دفتر کا افتتاح کریں گے، اور ورچوئلیطور پر نو دیگر نو تعمیر شدہ ضلعی دفاتر کا بھی آغاز کریں گے۔ اس کے بعد وہ گریٹر حیدرآباد کے نامپلی میں بی جے پی کے ریاستی دفتر پہنچیں گے۔وہ میونسپل کارپوریشن، سائبرآباد میونسپل کارپوریشن، اور ملکاجگری میونسپل کارپوریشن کے بوتھ صدور کے ساتھ ایک اہم بات چیت کریں گے۔ اس کے بعد وہ ریاست کے ارکان پارلیمنٹ، ایم ایل ایز اور قانون ساز کونسل کے ارکان سے ملاقاتیں کریں گے۔

پیر کو، اپنے دورے کے دوسرے دن، قومی صدر صبح 10:30 بجے گھٹکیسر میں وگیان بھارتی انسٹی ٹیوٹ آف ٹیکنالوجی میں ڈیولپنگ انڈیا اسٹوڈنٹ کانفرنس میں شرکت کریں گے اور نوجوانوں کے ساتھ براہ راست بات چیت کریں گے، انہیں قوم کی تعمیر کی طرف راغب کریں گے۔ اس کے بعد وہ دوپہر 12:00 بجے بھونگیر پہنچیں گے۔ نتن نوین ہنم کونڈہ کے آرٹس کالج گراو¿نڈ میں مشترکہ ورنگل ضلع کے بوتھ صدر کی سطح سے اوپر کے تمام ضلعی عہدیداروں کے ساتھ تنظیمی بات چیت کریں گے۔

اپنے دورے کے تیسرے اور آخری دن، 30 جون، نوین صبح 11:30 بجے گھٹکیسر کے راک انکلیو کنونشن سینٹر میں تلنگانہ اسٹیٹ بی جے پی یونٹ کی اہم ریاستی ایگزیکٹو میٹنگ کا باضابطہ افتتاح کریں گے اور ریاستی قیادت اور کارکنوں کو تفصیلی خطاب کے ساتھ رہنمائی فراہم کریں گے۔ ان تمام اہم تنظیمی تقریبات کی کامیاب تکمیل کے بعد قومی صدر نئی دہلی روانہ ہوں گے۔

ہندوستھان سماچار

ہندوستان سماچار / عطاءاللہ