نئی دہلی، 27 جون (ہ س):۔

لوک سبھا میں قائد حزب اختلاف راہل گاندھی نے پیپر لیک اور بڑھتی ہوئی بے روزگاری سے نمٹنے کے لیے انڈین یوتھ کانگریس اور نیشنل اسٹوڈنٹس یونین (این ایس یو آئی) کی ملک گیر تعلیمی مہم طلبا کی گونج مہم کی کامیابی کو یقینی بنانے کے لیے پارٹی تنظیم کے مکمل تعاون پر زور دیا ہے۔

ہفتہ کو راہل گاندھی نے پارٹی کے تمام جنرل سکریٹریوں، انچارجوں، ریاستی کانگریس کمیٹی کے صدور، محکمہ کے سربراہوں، اور تمام ضلع اور سٹی کانگریس کمیٹی کے صدور کو ایک سرکاری خط جاری کیا۔ انہوں نے تنظیم کے تمام سطحوں کو ہدایت کی کہ وہ انڈین یوتھ کانگریس اور نیشنل اسٹوڈنٹس یونین (این ایس یو آئی) کو طلبا کی گونج مہم کے موثر نفاذ کے لیے اپنی مکمل حمایت اور تعاون فراہم کریں، جو کہ ظالمانہ تعلیمی نظام کے خلاف ایک مربوط پیغام دینے کے لیے ملک بھر میں منعقد کی جائے گی۔

اپنے خط میں کانگریس کے رکن پارلیمنٹ نے کہا کہ مسلسل پیپر لیک، منسوخ شدہ امتحانات، بار بار دوبارہ امتحانات، تاخیر سے سرکاری بھرتی، خالی اسامیاں، بڑھتی ہوئی بے روزگاری، اور تعلیم کی مسلسل بڑھتی ہوئی قیمت نے ملک کے نوجوانوں اور ان کے خاندانوں کو گہری پریشانی اور ذہنی دباو¿ میں ڈال دیا ہے۔ کوٹہ میں منعقدہ طلبا کی گونج ریلی کا حوالہ دیتے ہوئے، انہوں نے کہا کہ موجودہ تعلیمی نظام نوجوانوں پر بہت زیادہ دباو¿ ڈالتا ہے اور ان کے خاندانوں کو قرض میں دھکیلتا ہے۔

راہل گاندھی نے تنظیمی سطح پر مہم کو تیز کرنے کی اپیل کی۔ انہوں نے کہا کہ نوجوانوں کے اس استحصال کے بارے میں سچائی کو بے نقاب کرنا اور پورے ملک میں ایک مثبت پیغام کو مو¿ثر طریقے سے پہنچانا بہت ضروری ہے۔ انہوں نے تمام تنظیمی رہنماو¿ں سے اپیل کی کہ وہ نوجوانوں کو اس ظالمانہ نظام سے نجات دلانے کے لیے مل کر کام کریں اور ایک نئے نظام کی بنیاد رکھیں جو انہیں مناسب مواقع اور مدد فراہم کرے۔

ہندوستھان سماچار

ہندوستان سماچار / عطاءاللہ