اقوام متحدہ کی تاریخ میں 26 جون کو خصوصی اہمیت حاصل ہے۔ عالمی امن، بین الاقوامی تعاون اور انسانی حقوق کے تحفظ کے لیے کام کرنے والی اس تنظیم کے کردار سے دنیا بخوبی واقف ہے۔ اقوام متحدہ باضابطہ طور پر 24 اکتوبر 1945 کو وجود میں آئی لیکن اس کا چارٹر اسی سال 26 جون کو منظور کیا گیا۔ اس تاریخی دستاویز پر 50 ممالک کے نمائندوں نے دستخط کیے۔ تنظیم کے قیام کا بنیادی مقصد آنے والی نسلوں کو جنگ کی تباہ کاریوں سے بچانا، بین الاقوامی امن و سلامتی کو برقرار رکھنا اور ہر حال میں انسانی حقوق کے تحفظ کو یقینی بنانا تھا۔ وقت گزرنے کے ساتھ ساتھ اقوام متحدہ کا دائرہ کار اور ذمہ داریاں مسلسل بڑھتی گئیں۔ آج یہ تنظیم امن قائم کرنے، انسانی امداد، پائیدار ترقی اور موسمیاتی تبدیلی سمیت متعدد عالمی مسائل کو حل کرنے میں فعال کردار ادا کر رہی ہے۔ اس وقت دنیا کے تقریباً تمام ممالک کی نمائندگی کرنے والی اس تنظیم کا صدر دفتر نیویارک میں واقع ہے۔
اہم واقعات
1714: اسپین اور ہالینڈ نے تجارت اور امن معاہدے پر دستخط کیے۔
1848: پیرس میں یوم جون کی بغاوت کا خاتمہ ہوا۔
1919: امریکہ میں نیویارک ڈیلی نیوز کی اشاعت شروع ہوئی۔
1945: 50 ممالک نے سان فرانسسکو میں اقوام متحدہ کے اعلامیے پر دستخط کیے۔
1949: بیلجیم کے پارلیمانی انتخابات میں پہلی بار خواتین کو ووٹ دینے کا حق ملا۔
1960: فرانس کی کالونی مڈغاسکر کو آزادی ملی۔
1999: بوڈاپیسٹ (ہنگری) میں عالمی سائنس کانفرنس کا آغاز ہوا۔
2000: انٹرنیشنل کرکٹ کونسل نے بنگلہ دیش کو ٹیسٹ کا درجہ دیا۔
2004: وزیر اعظم جمالی کے استعفیٰ کے بعد شجاعت حسین پاکستان کے نئے قائم مقام وزیر اعظم بنے۔
2006: مشرقی تیمور کی پہلی وزیر اعظم ماری الکاتیری نے ہفتوں کی سیاسی بدامنی کے بعد استعفیٰ دے دیا۔
2013: شیخ عبداللہ بن ناصر بن خلیفہ الثانی قطر کے وزیر اعظم بنے۔
---------------
ہندوستان سماچار / عبدالسلام صدیقی
