پلامو، 24 جون (ہ س)۔ محرم کی ساتویں تاریخ کے موقع پر منگل کی دیر رات سے بدھ کی صبح تک میدنی نگر میں ایک شاندار جلوس نکالا گیا۔ جلوس کے دوران پورا ماحول یا حسن، یا حسین کے نعروں سے گونج اٹھا۔ مختلف محلوں کے نوجوانوں نے جگہ جگہ لاٹھی، تلوار اور دیگر روایتی ہتھیاروں کے ساتھ فنونِ حرب کے مظاہرے پیش کیے۔

شہر کے پہاڑی محلہ واقع کربلا سے محرم انتظامیہ کمیٹی کے جنرل خلیفہ جی شان خان کی قیادت میں جلوس رات دیر گئے نکالا گیا۔

جلوس میں شامل افراد نے روایتی کرتبوں کا مظاہرہ کیا۔ یہ جلوس شاہ محلہ، کنی رام چوک، ستار سیٹھ چوک، وشنو مندر روڈ، چاول پٹی، مہاویر مندر روڈ، گھڑا پٹی، جین مندر روڈ اور پنچ مہان سے ہوتا ہوا تھانہ احاطے تک پہنچا۔

یہاں کھیلوں اور کرتبوں کے مظاہرے کے بعد جلوس لال کوٹھی، گیتا بھون، شہید بھگت سنگھ چوک، ستار سیٹھ چوک اور کنی رام چوک سے ہوتا ہوا دوبارہ کربلا پہنچ کر اختتام پذیر ہوا۔

جلوس میں کنڈ محلہ، کانجی ہاؤس محلہ، جھونپڑ پٹی، راحت نگر، حسین نگر، پہاڑی محلہ، مسلم نگر، شاہ محلہ، قصاب محلہ، دھوبی محلہ اور شاستری نگر کے لوگ اپنے اپنے نشانوں کے ساتھ شریک ہوئے۔ پروگرام کا اختتام صبح 10 بجے ہوا۔

دوسری جانب شانِ حسین کمیٹی کی جانب سے ناواٹولی اور بیلواٹیکا میں، ملتِ آزاد کمیٹی کی جانب سے سودنا میں اور نوجوان حسینیہ کمیٹی کی جانب سے بیریا میں بھی ساتویں محرم کا جلوس نکالا گیا۔

امن و امان اور سکیورٹی کے پیش نظر پولیس انتظامیہ پوری طرح مستعد رہی۔

اس کے علاوہ کربلا حسین کمیٹی، کے جی این کمیٹی، جنتِ حسین کمیٹی، ملت اسلامیہ حسین کمیٹی، حیدرِ کرار کمیٹی اور اسلامیہ ہواری کمیٹی نے بھی نشانوں اور باجے گاجے کے ساتھ جلوس نکال کر محرم کی ساتویں تاریخ عقیدت و احترام کے ساتھ منائی۔

جلوس کو کامیاب بنانے میں انجمن اصلاح المسلمین کمیٹی کے ضلعی صدر مصطفیٰ کمال، سابق جنرل آفتاب عالم، آصف رائن عرف مونو، سونو شاہ، پنٹو عراقی، شہریار علی، امام الدین خان، کمال خان، محمد کلام، نیاز احمد، راجہ اشرفی، منو رضوان، ظفر محبوب، مٹھو خان، دانش قریشی، حاجی للن، شہباز عالم، چنٹو قریشی، لڈو انصاری، بنٹی، شاہد مستری، علاؤالدین رائن سمیت بڑی تعداد میں حسینی بھائی موجود رہے۔

ہندوستھان سماچار

---------------

ہندوستان سماچار / عبدالواحد