نئی دہلی، 2 جون (ہ س)۔

سنٹرل بورڈ آف سیکنڈری ایجوکیشن (سی بی ایس ای) سے متعلق حالیہ متنازعہ پیش رفت کے بعد مرکزی حکومت نے بڑی کارروائی کی ہے۔ بورڈ کے چیئرمین اور سیکرٹری کا تبادلہ کر دیا گیا ہے اور آن سکرین مارکنگ (او ایس ایم) خدمات کی خریداری میں مبینہ بے ضابطگیوں کی تحقیقات کے لیے ایک رکنی انکوائری کمیٹی تشکیل دی گئی ہے۔

ذرائع کے مطابق سی بی ایس ای کے چیئرمین راہل سنگھ اور سکریٹری ہمانشو گپتا کا تبادلہ کر دیا گیا ہے۔ دفتری میمورنڈم کے مطابق، صلاحیت سازی کمیشن کی چیئرپرسن ایس رادھا چوہان کی سربراہی میں ایک تحقیقاتی کمیٹی تشکیل دی گئی ہے۔ انہیں پروکیورمنٹ کی چھان بین کرنی ہے اور ایک ماہ کے اندر محکمہ پرسونل اینڈ ٹریننگ کو رپورٹ پیش کرنی ہے۔

ہندوستھان سماچار

ہندوستان سماچار / عطاءاللہ