دہری آن سون ، 14 جون (ہ س)۔روہتاس ضلع کے کوچس تھانہ علاقہ کے سہسرام چوسا سڑک پر بس پڑاؤ کے قریب واقع ایکسس بینک کا اے ٹی ایم کو اتوار کے روزصبح تقریباً تین بجے چوروں نے گیس کٹر سے کاٹ کر نقد چوری کر لی۔پولیس نے فوری طور پر واقعے کی تحقیقات شروع کردی۔ ایف ایس ایل کی ٹیم بھی جائے وقوعہ پر پہنچ گئی ہے۔ تھانہ انچارج نتیش کمار نے بتایا کہ چوری صبح 3 بجے کے قریب ہوئی، ابھی تک چوری کی رقم کا پتہ نہیں چل سکا ہے۔بتایا گیا ہے کہ چار نقاب پوش چور ایک بولیرو گاڑی میں بکسر سے آئے تھے۔ ممبئی میں اے ٹی ایم کے کنٹرول روم کے الارم نے پولیس کو واقعے سے آگاہ کیا، جس کی اطلاع فوری طور پر روہتاس پولیس کو دی گئی، جس کے بعد کوچس تھانہ کو الرٹ کردیا۔جب تک پولیس اے ٹی ایم پر پہنچی، چور فرار ہو چکے تھے۔ پولیس نے سی سی ٹی وی فوٹیج کی بنیاد پر تفتیش اور کارروائی شروع کر دی ہے۔لوگوں کا کہنا ہے کہ کوچس میں یہ واحد اے ٹی ایم تھا جو 24 گھنٹے کھلا رہتا تھا، حالانکہ وہاں کوئی سیکورٹی گارڈ نہیں تھا۔ ہندوستھان سماچار

ہندوستان سماچار / Mohammad Afzal Hassan