نئی دہلی، 13 جون (ہ س)۔

بیڈمنٹن ایسوسی ایشن آف انڈیا (بی اے آئی) کی سلیکشن کمیٹی نے ہفتے کے روز جاپان میں 2026 کے ایشیائی کھیلوں کے لیے ہندوستانی بیڈمنٹن ٹیم کا اعلان کیا۔ ٹیم میں تجربہ کار اور نوجوان کھلاڑیوں کا متوازن امتزاج موجود ہے۔ دو بار کے ایشیائی کھیلوں میں تمغہ جیتنے والی پی وی سندھو، مردوں کے سنگلز اسٹار لکشیہ سین، اورگزشتہ ایشیائی کھیلوں کی گولڈ جیتنے والی ڈبلز جوڑی ساتوک سائراج رینکی ریڈی اور چراغ شیٹی ہندوستانی چیلنج کی قیادت کریں گے۔

سلیکشن کمیٹی نے کھلاڑیوں کی حالیہ قومی اور بین الاقوامی کارکردگی اور 26 مئی 2026 تک بی ڈبلیو ایف کی درجہ بندی کی بنیاد پر ٹیم کو حتمی شکل دی۔

مردوں کے زمرے میں تجربہ کار ایچ ایس پرنئے اور کدامبی شری کانت کے ساتھ لکشیہ سین کو بھی ٹیم میں شامل کیا گیا ہے۔ یہ وہی گروپ ہے جس نے گزشتہ ایشیائی کھیلوں میں مردوں کے ٹیم ایونٹ میں ہندوستان کے تاریخی چاندی کے تمغے میں کلیدی کردار ادا کیا تھا۔ اسی گروپ نے اس سال تھامس کپ میں ہندوستان کو کانسی کا تمغہ بھی جیتا تھا۔

خواتین کے زمرے میں پی وی سندھو کے ساتھ نوجوان کھلاڑی انتی ہڈا کو منتخب کیا گیا ہے۔ اس کے علاوہ نئی نسل کے ابھرتے ہوئے ستاروں آیوش شیٹی، تنوی شرما اور ایشارانی بروا کو بھی ان کی بین الاقوامی کارکردگی کی بنیاد پر ٹیم میں شامل کیا گیا ہے۔

ایشیائی کھیلوں کی تاریخ میں ہندوستان نے بیڈمنٹن میں 13 تمغے جیتے ہیں۔ ساتوک-چراغ کی مردوں کے ڈبلز جوڑی نے پچھلی بار ہندوستان کو پہلا گولڈ میڈل جیتا تھا۔

مردوں کی ٹیم: لکشیہ سین، آیوش شیٹی، ایچ ایس پرنئے، کدامبی سری کانت، تھرون منے پلی،ساتوک سائراج رینکی ریڈی، چراغ شیٹی، ہری ہرن امساکرونن، ایم آر ارجن، دھرو کپیلا۔

خواتین کی ٹیم: پی وی سندھو، ا±نّتی ہڈا، دیویکا سہاگ، تنوی شرما، ایشارانی بروا، ٹریسا جالی، گایتری گوپی چند پلیلا، کوی پریہ سیلوم، سمرن سنگھی، تنیشا کراسٹو۔

ہندوستھان سماچار

ہندوستان سماچار / عطاءاللہ