کوربا،31مئی (ہ س) ۔

چھتیس گڑھ کے کوربا ضلع کے پالی تھانہ علاقے کے تحت چورکا دانڈ گاو¿ں میں ہفتہ کی شام تین خاندانوں پر قدرت کا قہر ٹوٹ گیا۔ تیز طوفان اور موسلا دھار بارش کے درمیان درخت کے نیچے پناہ لینا تین نوجوانوں کے لیے جان لیوا ثابت ہوا۔ اچانک درخت کی ایک بڑی شاخ ٹوٹ کر ان پر گر گئی جس سے تینوں کی موقع پر ہی موت ہو گئی۔

مرنے والوں کی شناخت شیورام ٹیکم (14)، کملیش بڑا (18) اور دنیش ترکی (17) کے طور پر کی گئی ہے۔ سانحہ کی اطلاع ملتے ہی گاو¿ں میں غم کی لہر دوڑ گئی۔ خاندان کے افراد غم سے نڈھال ہیں، جبکہ گاو¿ں والے بھی گہرے غم اور سوگوار ہیں۔

واقعہ کی اطلاع ملتے ہی ضلعی انتظامیہ حرکت میں آگئی۔ کلکٹر کنال دودوت نے عہدیداروں کو فوری طور پر راحت اور امداد شروع کرنے کی ہدایت دی۔ انتظامی ٹیم نے جائے وقوعہ پر پہنچ کر متاثرہ خاندانوں سے ملاقات کی اور انہیں ہر ممکن مدد کی یقین دہانی کرائی۔

کلکٹر کی ہدایت پر تحصیلدار بھوشن مانڈ وی، نائب تحصیلدار سوجیت پاٹلے اور ریونیو حکام متاثرہ خاندانوں کے پاس پہنچے۔ اتوار کو میڈیکل ٹیم کی موجودگی میں پوسٹ مارٹم مکمل کیا گیا اور لاشوں کو لواحقین کے حوالے کر دیا گیا۔

ریونیو حکام نے بتایا کہ مرنے والوں کے خاندانوں کو مالی امداد فراہم کرنے کا عمل ریونیو بک سرکلر (آر بی سی) 6-4 کے تحت شروع کیا گیا ہے۔ مقررہ امدادی رقم ضروری رسمی کارروائیاں مکمل ہوتے ہی فراہم کر دی جائے گی۔

ہندوستھان سماچار

ہندوستان سماچار / عطاءاللہ