نئی دہلی، 3 مئی (ہ س)۔

دہلی پولیس کی کرائم برانچ کے سائبر سیل نے سرمایہ کاری کے دھوکہ دہی کے ایک ریکیٹ کا پردہ فاش کیا ہے جس نے ایک ریٹائرڈ سرکاری افسر کو اسٹاک مارکیٹ میں کافی منافع کا وعدہ کرکے 45.33 لاکھ روپے کا فراڈ کیا ۔ پولس نے اتراکھنڈ کے ادھم سنگھ نگر سے ایک بینک اہلکار سمیت تین ملزمان کو گرفتار کیا۔ اس معاملے میں اب تک کل پانچ ملزمین کو گرفتار کیا جا چکا ہے۔

کرائم برانچ کے ڈپٹی کمشنر آف پولیس آدتیہ گوتم نے اتوار کے روز کہا کہ ملزم نے متاثرہ، ایک ریٹائرڈ سرکاری اہلکار کو اسٹاک مارکیٹ میں سرمایہ کاری کی آڑ میں ایک حقیقی تجارتی پلیٹ فارم سے مشابہت رکھنے والے جعلی موبائل ایپ کو ڈاو¿ن لوڈ کرنے کے لیے دھوکہ دیا۔ ایپ کے ذریعے، انہوں نے اسے مختلف کھاتوں میں 45.33 لاکھ روپے منتقل کرنے کا لالچ دیا۔

تفتیش کے دوران سائبر سیل نے تکنیکی نگرانی اور بینک ٹرانزیکشنز کے تجزیے کی بنیاد پر دو ملزمان کی نشاندہی کی۔ ان کی اطلاع کے بعد، ایک بینک اہلکار کو بھی گرفتار کیا گیا، جو اس گروہ کے ساتھ سرگرم تعاون کر رہا تھا۔

گرفتار ملزمین کی شناخت 25 سالہ کپل، 26 سالہ منوج شرما اور 24 سالہ کمل پانڈے کے طور پر کی گئی ہے جو ادھم سنگھ نگر کے رہنے والے ہیں۔ کمل پانڈے ایک بینک میں اسسٹنٹ منیجر کے طور پر کام کرتے ہیں۔

ڈپٹی کمشنر آف پولیس کے مطابق، پولیس کی تفتیش میں یہ بات سامنے آئی کہ کپل اور منوج نے اپنے بینک اکاو¿نٹس کو میول کاو¿نٹس کے طور پر استعمال کرنے کی اجازت دی۔ دھوکہ دہی والے فنڈز چیک کے ذریعے اسی دن نکالے گئے جب وہ ان اکاو¿نٹس میں جمع کیے گئے تھے۔ بینک اہلکار کمل پانڈے نے جعلی اکاو¿نٹس کھولنے، لین دین کی خفیہ معلومات فراہم کرنے اور بینک کے احاطے میں نقد رقم نکالنے میں مدد کی۔

ہندوستھان سماچار

ہندوستان سماچار / عطاءاللہ