فتح پور، 2 مئی (ہ س )۔اترپردیش کے فتح پور ضلع میں ہفتہ کو ایک تیز رفتار مہندرا کار بے قابو ہوکر سڑک کے کنارے لگے بجلی کے کھمبے سے ٹکرا کر کھائی میں گر گئی۔ حادثے میں کار میں سوار دو افراد کی موت ہو گئی، جب کہ پانچ دیگر زخمی ہو گئے۔ پولیس نے موقع پر پہنچ کر زخمیوں کو علاج کے لیے ضلع اسپتال بھیج دیا۔

تھانہ انچارج راماشنکر سروج نے بتایا کہ غازی پور تھانہ کے رہنے والے دیپو رریداس کی شادی کشن پور تھانہ علاقہ کے اکبر پور بڑوا کے رہنے والے بھائی لال ریداس کی بیٹی ریتا دیوی سے ہو رہی تھی۔ جمعہ کی رات شادی کی بارات میں شرکت کے بعد مہندرا کار میں سوار سات افرادہفتہ کی صبح گھر لوٹ رہے تھے۔ اشوتھر تھانہ علاقے کے پور بزرگ گاؤں کے قریب، ڈرائیور نے کار پر سے کنٹرول کھو دیا، جس کی وجہ سے وہ سڑک کے کنارے لگے بجلی کے کھمبے سے ٹکرا گئی اور کھائی میں گر گئی۔ حادثے میں غازی پور تھانہ علاقہ کے منی پور کے رہنے والے شیوکرن (35) اور امیش پال (40) کی موقع پر ہی موت ہوگئی۔

اس حادثے میں بھارت بھوشن، انوپ کمار، اتل سنگھ، سکھ راج پال اور آشوتوش زخمی ہو گئے۔ تمام زخمیوں کو تشویشناک حالت میں علاج کے لیے صدر فتح پور کے ضلع اسپتال لے جایا گیا۔ اس واقعہ سے شادی کی تقریب اور دونوں خاندان سوگ میں ڈوب گئے۔ حادثے کی شدت کو دیکھتے ہوئے دلہا اور دلہن کی صبح سویرے رخصتی کرائی گئی۔ لڑکا فریق شادی کا تمام سامان چھوڑ کر دلہن کو وداع کرواکر واپس چلا گیا۔ اس واقعہ سے دونوں خاندانوں میں سوگ کی فضا ہے۔ اطلاع ملتے ہی پولیس جائے وقوعہ پر پہنچی اور امدادی کارروائیاں شروع کر دیں۔متوفیوں کی لاشوں کا پنچنامہ بھر کر پوسٹ مارٹیم کے لئے بھیج دیا گیا۔

اسٹیشن آفیسر راماشنکر سروج نے بتایا کہ کار تیز رفتاری کی وجہ سے کنٹرول کھو بیٹھی اور حادثے کا شکار ہوگئی۔ دو افراد جاں بحق اور پانچ زخمی ہوگئے۔ لاشوں کو پوسٹ مارٹم کے لیے بھیج دیا گیا ہے، زخمیوں کا علاج کیا جا رہا ہے۔

ہندوستھان سماچار

ہندوستان سماچار / محمد شہزاد