جونپور، 2 مئی (ہ س)۔ اتر پردیش کے جونپور ضلع کے سینئر سپرنٹنڈنٹ آف پولیس (ایس ایس پی) کنور انوپم سنگھ نے دولہا کے قتل کے مفرور تینملزمین کے لیے 25,000 روپے کے انعام کا اعلان کیا ہے، تاکہ ان کی جلد گرفتاری کو یقینی بنایا جا سکے۔

جن بدمعاشوں کا سراغ دینے پر انعام کا اعلان کیا گیا ہے ، ان میں اعظم گڑھ کا رہائشی پردیپ بند، جونپور کے سوندھی کا رہنے والا روی یادو اور جپٹا پورکا رہنے والا بھولے راج بھر شامل ہیں۔ تینوں ملزمین کے خلاف کھیتاسرائے تھانے میں سنگین دفعات کے تحت مقدمہ درج کیا گیا ہے۔

معلوم ہو کہ گزشتہ جمعہ کی رات ملزمین نے شادی کرنے جا رہے والے دولہے کو گولی مار کر قتل کر دیا تھا۔ پولیس ملزمان کی گرفتاری کے لیے مسلسل چھاپے مار رہی ہے۔اس معاملے میں ایس ایس پی کنور انوپم سنگھ نے ہفتہ کو معلومات فراہم کرتے ہوئے بتایا کہ ملزمین کو پکڑنے کے لئے خصوصی ٹیمیں تشکیل دی گئی ہیں، جو ممکنہ ٹھکانوں پر مسلسل چھاپے ماری کر رہی ہیں۔ افسران کا کہنا ہے کہ اگر کسی شخص کو ان افراد کے بارے میں کوئی اطلاع ملتی ہے تو وہ فوراً پولیس کو مطلع کریں۔ اطلاع دینے والے کی پہچان کو پوری طرح خفیہ رکھا جائے گا۔

ہندوستھان سما چار

ہندوستان سماچار / محمد شہزاد