نئی دہلی، یکم مئی (ہ س)۔ گھریلو صرافہ مارکیٹ میں مسلسل تین دن تک کمزوری کا سامنا کرنے کے بعد، آج ابتدائی ٹریڈنگ کے دوران سونے کی قیمتوں میں اضافے کا رجحان دکھائی دے رہا ہے۔ اس کے برعکس، صرافہ مارکیٹ میں چاندی کی قیمت گراوٹ کا شکار ہوگئی ہے۔ چنئی کو چھوڑ کر، آج ملک بھر کے بیشتر صرافہ بازاروں میں سونا 220 روپے سے 240 روپے فی 10 گرام مہنگا ہو گیا ہے۔ دریں اثنا، چنئی میں، سونے کی قیمت میں 1,520 روپے سے 1,650 روپے فی 10 گرام کا زبردست اضافہ ریکارڈ کیا گیا ہے۔ سونے کے برعکس، چاندی آج ابتدائی تجارت کے دوران 5000 روپے فی کلو گرام تک سستی ہو گئی ہے۔

مقامی صرافہ مارکیٹ میںا سپاٹ گولڈ کی قیمتوں میں اضافے کی وجہ سے، 24 کیرٹ سونا آج ملک کے بیشتر حصوں میں 1,50,670 روپے سے 1,53,830 روپے فی 10 گرام کی سطح پر ٹریڈ کر رہا ہے۔ دریں اثنا، 22 کیرٹ سونا آج 1,38,110 روپے اور 1,41,010 روپے فی 10 گرام کے درمیان فروخت ہو رہا ہے۔

دوسری طرف، چاندی کی قیمتوں میں کمزوری کی وجہ سے، یہ قیمتی دھات آج دہلی صرافہ مارکیٹ میں 2,49,900 روپے فی کلوگرام کی سطح پر بک رہی ہے۔ دریں اثنا، بین الاقوامی مارکیٹ میںا سپاٹ گولڈ کی قیمت آج 0.08 فیصد اضافے کے ساتھ 4,626.38 ڈالر فی اونس کی سطح پر پہنچ گئی۔ اسی طرح آج بین الاقوامی مارکیٹ میں چاندی بھی 74.31 ڈالر فی اونس کی سطح پر ٹریڈ کر رہی ہے۔ دہلی میں آج 24 کیرٹ سونا 1,50,820 روپے فی 10 گرام پر ٹریڈ کر رہا ہے، جب کہ 22 کیرٹ سونے کی قیمت 1,38,260 روپے فی 10 گرام ریکارڈ کی گئی ہے۔ دریں اثنا، ملک کی مالیاتی راجدھانی، ممبئی میں، 24 کیرٹ سونا 1,50,670 فی 10 گرام اور 22 کیرٹ سونا 1,38,110 فی 10 گرام میں فروخت ہو رہا ہے۔ اسی طرح احمد آباد میں 24 کیرٹ سونے کی خوردہ قیمت 1,50,720 فی 10 گرام ریکارڈ کی گئی ہے، اور 22 کیرٹ سونے کی قیمت 1,38,160 فی 10 گرام ریکارڈ کی گئی ہے۔

ان بڑے شہروں کے علاوہ، چنئی میں آج 24 کیرٹ سونا 1,53,830 روپے فی 10 گرام، اور 22 کیرٹ سونا 1,41,010 روپے فی 10 گرام پر فروخت ہو رہا ہے۔ اسی طرح، کولکاتا میں، 24 کیرٹ سونا 1,50,670 فی 10 گرام، اور 22 کیرٹ سونا 1,38,110 فی 10 گرام پر ٹریڈ کر رہا ہے۔ بھوپال میں 24 کیرٹ سونے کی قیمت 1,50,720 روپے فی 10 گرام ہے، جب کہ 22 کیرٹ سونے کی قیمت 1,38,160 روپے فی 10 گرام ہے۔

جے پور میں، 24 کیرٹ سونا 1,50,820 فی 10 گرام، اور 22 کیرٹ سونا 1,38,260 فی 10 گرام میں فروخت ہو رہا ہے۔ پٹنہ میں 24 کیرٹ سونے کی قیمت 1,50,720 روپے فی 10 گرام کی سطح پر ہے، جب کہ 22 کیرٹ سونے کی قیمت 1,38,160 روپے فی 10 گرام ہے۔ لکھنو¿ کی صرافہ مارکیٹ میں، 24 کیرٹ سونا آج 150,820 روپے فی 10 گرام پر ٹریڈ کر رہا ہے، جب کہ 22 کیرٹ سونا 138,260 فی 10 گرام پر ٹریڈ کر رہا ہے۔

ملک بھر کی دیگر ریاستوں کی طرح، کرناٹک، تلنگانہ اور اڈیشہ کے صرافہ بازاروں میں بھی آج سونے کی قیمتوں میں اضافے کا رجحان واضح ہے۔ ان تینوں ریاستوں کے دارالحکومت شہروں - بنگلورو، حیدرآباد اور بھونیشور میں - 24 کیرٹ سونا 150,670 روپے فی 10 گرام پر ٹریڈ کر رہا ہے۔ اسی طرح ان تینوں شہروں کی صرافہ مارکیٹوں میں 22 کیرٹ سونا 138,110 روپے فی 10 گرام فروخت ہو رہا ہے۔

---------------

ہندوستان سماچار / عبدالسلام صدیقی