پٹنہ، 7 اپریل (ہ س)۔ بہار کے نائب وزیر اعلیٰ سمراٹ چودھری نے مغربی بنگال انتخابات پر بیان دیتے ہوئے بھارتیہ جنتا پارٹی (بی جے پی) کی جیت کا دعویٰ کیا۔ منگل کے روز پٹنہ میں نامہ نگاروں سے بات کرتے ہوئے سمراٹ چودھری نے کہا کہ بی جے پی واضح طور پر مانتی ہے کہ مغربی بنگال کو سونے کا بنگال ہونا چاہئے اور بنگال کو سونے کا بنگال بنانے کا عمل شروع ہو چکا ہے۔

نائب وزیر اعلیٰ سمراٹ چودھری نے کہا کہ جمہوریت قائم کرنے کے لیے دراندازوں کو نکال باہر کرنا ہوگا اور بنگالی شناخت کو دوبارہ قائم کرنا ہوگا۔ جس طرح بنگالی برادری نے آزادی کی جنگ لڑی تھی، اسی طرح بنگال کے لوگ تبدیلی کے لیے تیار ہیں، اور وہاں بی جے پی کی جیت یقینی ہے۔

ہندوستھان سماچار

ہندوستان سماچار / Mohammad Afzal Hassan