ایل جی نے ڈوڈہ میں منشیات مخالف پد یاترا کو جھنڈی دکھا کر روانہ کیا

جموں، 30 اپریل (ہ س)۔ جموں و کشمیر کے لیفٹیننٹ گورنر منوج سنہا نے جمعرات کو ڈوڈہ میں نشہ مکت بھارت ابھیان کے تحت منشیات مخالف پدیاترا کو جھنڈی دکھا کر روانہ کیا۔ اس موقع پر انہوں نے منشیات کے خلاف متحدہ جدوجہد کی ضرورت پر زور دیا۔

پدیاترا اسپورٹس اسٹیڈیم ڈوڈہ سے شروع ہو کر گھنٹہ گھر پر اختتام پذیر ہوئی، جس میں نوجوانوں، طلبہ، سول سوسائٹی اور سرکاری افسران نے بڑی تعداد میں شرکت کی اور منشیات کے خلاف بیداری پیدا کی۔

اپنے خطاب میں لیفٹیننٹ گورنر نے کہا کہ منشیات کے خاتمے کے لیے معاشرے کے تمام طبقات کو مل کر کام کرنا ہوگا اور بیداری مہم کو نچلی سطح تک پہنچانا ضروری ہے۔ انہوں نے متاثرہ افراد کی بازآبادکاری پر بھی زور دیا۔تقریب میں اسکولی بچوں نے ثقافتی پروگرام پیش کیے۔ ڈپٹی کمشنر کرشن لال، ایم ایل اے شکتی راج پریہار اور دلیپ سنگھ پریہار سمیت کئی اعلیٰ افسران بھی موجود تھے۔پروگرام کے اختتام پر منشیات کے خلاف اجتماعی عہد لیا گیا۔

ہندوستھان سماچار

--------------

ہندوستان سماچار / محمد اصغر