کاٹھمنڈو، 03 اپریل (ہ س)۔کاٹھمنڈو پولیس نے ایک چینی شہری کو 17 کروڑ 79 لاکھ روپے سے زیادہ کی کرپٹو کرنسی کا کاروبار کرنے پر گرفتار کیا ہے۔کاٹھمنڈو ڈسٹرکٹ پولیس کے مطابق گرفتار 35 سالہ چینی شہری ڑو یی فینگ کھٹمنڈو کے تھامیل میں رہائش پذیر تھا۔ اس نے سوشل میڈیا کے مختلف پلیٹ فارمز کے ذریعے نیپالی شہریوں کو لالچ دیا، ان کا اعتماد حاصل کیا، اور ان کے بینک اکاو¿نٹس کا استعمال کرتے ہوئے انہیں دھوکہ دیا۔ اس نے رقم کو کریپٹو کرنسی میں تبدیل کیا اور اسے تجارت کے لیے استعمال کیا۔

کاٹھمنڈو پولیس کے ترجمان ایس پی پون بھٹارائی نے بتایا کہ مخصوص معلومات کی بنیاد پر کھٹمنڈو ضلع پولیس کی ایک ٹیم نے اسے تھمیل میں گرفتار کیا۔ اس کے پاس سے 177.9 ملین نیپالی روپے مالیت کی کرپٹو کرنسی، تین موبائل فون، اور ترسیلات زر سے متعلق دستاویزات جس کا نشان ’انٹرنل ایکسپریس‘ ہے برآمد کیا گیا۔پولیس سپرنٹنڈنٹ بھٹارائی نے کہا کہ کاٹھمنڈو ڈسٹرکٹ کورٹ سے ان کے ریمانڈ میں پانچ دن کی توسیع کی اجازت حاصل کرنے کے بعد کیس میں گرفتار افراد کے خلاف مزید تفتیش جاری ہے۔

ہندوستھان سماچار

ہندوستان سماچار / Mohammad Khan