۔ اتر پردیش کے وزیر اعلی نے آسام کے بارچھلا اسمبلی حلقہ سے بی جے پی امیدوار ریتو بارن سرما کے لئے ووٹ مانگے

سونیت پور (آسام)، 3 اپریل ( ہ س)۔ اتر پردیش کے وزیر اعلی یوگی آدتیہ ناتھ نے جمعہ کو اپنے دوسرے عوامی جلسے سے خطاب کرتے ہوئے کہا کہ کانگریس نے ہمیشہ دراندازی اور فسادات بھڑکانے کا کام کیا ہے، لیکن بھارتیہ جنتا پارٹی (بی جے پی) ایسا کرنے والوں کو باہر نکال دیتی ہے۔ پہلے، درانداز نوجوانوں کے حقوق غصب کرتے تھے اور آسام کے لوگوں کا راشن غصب کرتے تھے، لیکن اب ڈبل انجن والی حکومت آسام کے ہر شہری کو ان کے حقوق دلانے کی گارنٹی لے رہی ہے۔

وزیر اعلی یوگی آدتیہ ناتھ نے جمعہ کو آسام اسمبلی انتخابات میں برچھلا حلقہ سے بی جے پی کی امیدوار ریتو برن سرما کی حمایت میں ایک عوامی ریلی سے خطاب کرتے ہوئے مذکورہ تبصرہ کیا۔ انہوں نے عوام سے اپیل کی کہ وہ 9 اپریل کو کمل کا بٹن دبائیں تاکہ بی جے پی امیدوار کی بھاری اکثریت سے جیت یقینی بنائی جاسکے۔

وزیر اعلیٰ نے کہا کہ بھرپور ثقافتی وراثت والی ، کسانوںکا تحفظ اور غیر ملکی حملہ آوروں کو شکست دینے والی اس سرزمین کے سامنے کانگریس نے اے آئی یو ڈی ایف کے ساتھ مل کر شناخت کا بحران پیدا کیا۔ یہ بحران کسی ایک علاقے تک محدود نہیں تھا۔ کانگریس اور اے آئی یو ڈی ایف کے درمیان غیر اعلانیہ معاہدے نے آسامی لوگوں، ان کی زمینوں اور ان کی بیٹیوں کے لیے شناخت کا بحران پیدا کر دیا۔ انہوں نے منھ بھرائی کی پالیسی اپنائی اور آسامی شناخت کو تباہ کرنے کی کوشش کی۔ انہوں نے دراندازوں کو یہاں کی مٹی میں داخل کر آسام کے لیے شناخت کا بحران پیدا کیا۔ انہوں نے ان دراندازوں کو آسام کے شہریوں اور بہنوں کے حقوق پر ڈاکہ ڈالنے کے لیے استعمال کیا۔ انہوں نے آسامی ثقافت کو مٹانے کی سازش کی۔ تاہم، جب دہلی میں وزیر اعظم نریندر مودی کی قیادت میں، پہلے سربانند سونووال کی قیادت میں اور پھر آسام میں ڈاکٹر ہمنتا بسوا سرما کی قیادت میں بی جے پی کی حکومتیں قائم ہوئیں، آسام اب چائے کے ساتھ ساتھ چپ کی پیداوار کا ایک نیا مرکز بن گیا ہے۔

انہوں نے کہا کہ پہلے غریبوں کا راشن دراندازکھا جاتے تھے۔ اب آسام کے لوگوں کو راشن، اجولا یوجنا، وزیر اعظم کی آیوشمان بھارت اسکیم کے تحت ہر غریب کے لیے 5 لاکھ روپے کی صحت کی سہولیات، پردھان منتری آواس اور نوجوانوں کو روزگار مل رہا ہے۔ اب چائے کے باغات میں کام کرنے والی بہنوں، کاریگروں اور نوجوانوں کے لیے خصوصی پیکج کا بندوبست ہے۔ بی جے پی آسامی موسیقی اور ثقافت، عظیم شخصیات، ہیروز اور جنگجوو¿ں کی عزت افزائی اور احترام کر رہی ہے۔ اب آسام میں ترقی اور وراثت کا شاندار تال میل نظر آ رہا ہے۔ ما کاماکھیا، شریمنت شنکر دیو کوریڈوراور زمین کے تحفظ پر کام نئے سرے سے شروع ہوا ہے۔

وزیر اعلیٰ نے کہا کہ کانگریس دراندازی اور فسادات کو ہوا دیتی تھی۔ آسام کے لوگوں کی حفاظت کی جائے گی اور ہر درانداز کو نکال باہر کریں گے ۔ کانگریس دراندازی اور فسادات کو ہوا دیتی تھی، جب کہ بی جے پی ایسا کرنے والوں کو نکال دیتی ہے۔ اتر پردیش کی آبادی 25 کروڑ ہے، لیکن پچھلے نوبرسوں سے نوکرفیو ، نودنگا(فساد) اور سب چنگا(ٹھیک)ہے۔ جو کام 500 برسوں میں نہیں ہو سکا وہ ایودھیا میں عظیم الشان رام مندر کی تعمیر سے پورا ہو گیا ہے۔

انہوں نے کہا کہ اتر پردیش میں کوئی انتہا پسندی، نکسل ازم یا علیحدگی پسندی نہیں ہے اور سڑکوں پر نماز بھی نہیں پڑھی جاتی ہے۔ بی جے پی کی ڈبل انجن والی حکومت لو جہاد اور لینڈ جہاد کو ختم کرنے کے لیے پرعزم ہے۔ کانگریس اور یو ڈی ایف دراندازوں کے ووٹ چاہتے ہیں۔ وہ سیکورٹی کی ضمانت نہیں دے سکتے۔ یہ جماعتیں ملک کی قیمت پر ووٹ مانگتی ہیں۔

انہوں نے کہا کہ وزیر اعظم مودی نے جتنی بار شمال مشرقی ہندوستان کا دورہ کیا ،60سال کے کانگریس کے دورحکومت میں کوئی بھی وزیر اعظم اتنی بار نہیں آیا۔انہوں نے 11 برسوں میں شمال مشرقی ہندوستان کے 78 اور آسام کے 36 دورے کیے ہیں، جس سے امن، سلامتی اور اچھی حکمرانی کا ماحول پیدا ہوا ہے۔ آج، شمال مشرق کی ہر ریاست میں سڑک، ریل، ہوائی اور اندرون ملک آبی گزرگاہیں موجود ہیں۔ پہلے، کوئی میڈیکل یا انجینئرنگ کالج نہیں تھا، لیکن ڈبل انجن والی حکومت نے ایمس، آئی آئی ایم، آئی آئی ٹی، اور این آئی ٹی فراہم کیے ہیں۔ شمال مشرقی ہندوستان اور آسام عالمی معیار کے اداروں کے مراکز بن گئے ہیں۔

کانگریس اور اے آئی یو ڈی ایف پر بھروسہ نہیں کیا جا سکتا۔ ڈبل انجن والی حکومت آسام کے لوگوں کو سیکورٹی، سروس، اچھی حکمرانی، خوشحالی اور روزگار کی ضمانت دے گی۔ آسام کو ہندوستانی فخر کی سرزمین قرار دیتے ہوئے، وزیر اعلیٰ نے سنگری گپتیشور، اہوم شاہی خاندان کے لچیت بورفوکن، دریائے برہم پتر اور ماں کامکھیا کا ذکر کیا۔ اس دوران نوجوانوں کو وزیر اعلیٰ یوگی کی ایک جھلک دیکھنے کے لیے درختوں پر چڑھتے ہوئے دیکھا گیا۔ لوگوں نے 'بلڈوزر بابا کی جئے' کے نعرے بھی لگائے۔ جلسہ عام میں وزیر اعلیٰ نے 'جاپی' پہنا اور آسامی ڈھول بجایا۔

ہندوستھان سماچار

ہندوستان سماچار / محمد شہزاد