نئی دہلی، 28 اپریل (ہ س)۔ ہندوستان کی میزبانی میں ہونے والی صدی عالمی ٹیم ٹیبل ٹینس چیمپئن شپ (ڈبلیو ٹی ٹی سی ) سے پہلے اسپورٹس ہندوستانی ٹیبل ٹینس ٹیم کو مضبوط تیاریوں کے لئے اتھارٹی آف انڈیا (سائی) نے90 لاکھ روپے سے زیادہ کی وسیع مدد فراہم کی ہے۔ یہ باوقار ٹورنامنٹ منگل کو لندن کے ویمبلےکے او وی او ایرینا میں شروع ہو رہا ہے جو 10 مئی تک جاری رہے گا۔

ہندوستان اس عالمی مقابلے میں 19 رکنی دستے کے ساتھ حصہ لے رہا ہے جس میں 10 کھلاڑی، تین کوچ، تین معاون عملہ اور تین پریکٹس پارٹنر شامل ہیں۔ ٹیم میں منیکا بترا، جی ساتھیان، مانو ٹھکر، اور ہرمیت دیسائی جیسے اہم کھلاڑی شامل ہیں، جو مردوں اور خواتین کے دونوں زمروں میں ہندوستان کی نمائندگی کریں گے۔

گروپ مرحلے میں سخت چیلنج

مردوں کی ٹیم کو گروپ مرحلے میں سلواکیہ، تیونس اور گوئٹے مالا کے ساتھ رکھا گیا ہے، جبکہ خواتین کی ٹیم کا مقابلہ یوکرین، یوگنڈا اور روانڈا سے ہوگا۔ گروپ میچ 28 اپریل سے یکم مئی تک کھیلے جائیں گے۔ ہندوستان اس بار بہتر کارکردگی کی امید لگائے گا، کیونکہ دونوں ٹیمیں 2024 میں بوسان میں منعقدہ پچھلے ٹورنامنٹ میں آخری 32 مرحلے میں پہنچ کر باہر ہوگئی تھیں۔

غیر ملکی تربیت سے تیاریوں میں اضافہ

سائی کی طرف سے جاری کردہ پریس ریلیز کے مطابق، اسپورٹس اتھارٹی آف انڈیا(سائی) نے چیمپئن شپ کی تیاری کے لیے مرحلہ وار تربیتی پروگرام کا انعقاد کیا۔ نیتاجی سبھاش نیشنل انسٹی ٹیوٹ آف اسپورٹس، بنگلورو میں 13 سے 19 اپریل تک قومی کوچنگ کیمپ کا انعقاد کیا گیا، جس پر 13.26 لاکھ روپے خرچ ہوئے۔ اس کے بعد 21 سے 26 اپریل تک شیفیلڈ میں غیر ملکی تربیتی کیمپ کا انعقاد کیا گیا جس پر 20.92 لاکھ روپے خرچ ہوئے۔ اس مشترکہ تیاری کا مقصد کھلاڑیوں کو بین الاقوامی حالات سے ہم آہنگ کرنا اور ان کی میچ کی تیاری کو بہتر بنانا تھا۔

اس کے علاوہ سائی نے ٹیبل ٹینس فیڈریشن آف انڈیا کو تقریباً 60.1 لاکھ روپے کی رقم جاری کی تاکہ ہوائی سفر، رہائش، یومیہ الاو¿نس اور کھلاڑیوں اور آفیشلز کے انٹری فیس جیسے اخراجات کو پورا کیا جا سکے۔

دولت مشترکہ کھیلوں سے باہر، ایشائی کھیلوں سے قبل اہم امتحان

ٹیبل ٹینس 2026 دولت مشترکہ کھیلوں کا حصہ نہیں ہوگی، اس لیے اس چیمپئن شپ کو 2026 کے ایشین گیمز (جاپان) کی تیاری کے لیے انتہائی اہم سمجھا جا رہا ہے۔ یہ 2030 میں ہندوستان میں ہونے والے صد سالہ دولت مشترکہ کھیلوں سے پہلے ٹیم کی طاقت اور تیاری کا بھی جائزہ لے گی۔

ہندوستانی ٹیم مردوں کی ٹیم

مانو ٹھکر، منوش شاہ، جی ساتھیان، ہرمیت دیسائی، پایس جین۔

خواتین کی ٹیم: منیکا بترا، یشسوینی گھورپڑے، دیا چتالے، سوتیرتھا مکھرجی، سنڈریلا داس

کوچز: ماسیمو کوسٹنٹینی (غیر ملکی ماہر)، سورو چکرورتی، سومناتھ گھوش۔

ہندوستھان سماچار

ہندوستان سماچار / محمد شہزاد