کولکاتہ، 25 اپریل (ہ س)۔

مغربی بنگال کے بانکوڑا ضلع میں پولنگ ڈیوٹی پر مامور بوتھ لیول آفیسر شمپا لائی پرمانک کی موت ہوگئی۔ اہل خانہ کا الزام ہے کہ پولنگ کے دن چلچلاتی دھوپ اور شدید گرمی میں اسے سارا دن بوتھ کے باہر کام کرنا پڑا، جہاں پینے کا پانی اور دیگر ضروری سہولیات میسر نہیں تھیں۔

معلومات کے مطابق، شمپا پرمانک 23 اپریل کو بانکوڑہ اسمبلی حلقہ کے بانکوڑا ٹاو¿ن بوائز ہائی اسکول کے بوتھ نمبر 87 پر ڈیوٹی پر تھیں۔ اہل خانہ کا کہنا ہے کہ سارا دن دھوپ میں رہنے اور مناسب پانی کی کمی کی وجہ سے اس کی صحت بگڑ گئی۔ پولنگ کے بعد گھر واپس آنے پر اسے کئی بار الٹیاں ہوئیں۔

گھر والوں نے گھر پر ابتدائی طبی امداد ملنے کی اطلاع دی، لیکن ہفتے کی صبح اس کی حالت مزید بگڑ گئی۔ اس کے بعد اسے اسپتال لے جایا گیا لیکن راستے میں ہی اس کی موت ہو گئی۔

متوفی کے شوہر پرسین جیت پرمانک نے الزام لگایا کہ الیکشن کمیشن نے نہ تواو آر ایس فراہم کیا اور نہ ہی پینے کے پانی کا مناسب انتظام کیا۔ انہوں نے کہا کہ ان کی اہلیہ اپنی ڈیوٹی مکمل کرنے کے فوراً بعد شدید بیمار ہوگئیں۔

شمپا کے ساتھی رنکو رائے چند نے بھی الزام لگایا کہ پولنگ اہلکاروں کے ساتھ غیر انسانی سلوک کیا گیا۔ انہیں بغیر مناسب مدد کے شدید گرمی میں کام کرنے پر مجبور کیا گیا اور کئی مقامات پر مرکزی فورسز کا رویہ بھی نامناسب تھا۔

ہندوستھان سماچار

ہندوستان سماچار / عطاءاللہ