1993 کی مشہور فلم 'کھل نائک' کا مقبول کردار 'بلو' بڑے پردے پر واپسی کے لیے تیار ہے۔ اداکار سنجے دت نے ایک حالیہ تقریب کے دوران اپنی نئی فلم 'کھل نائک ریٹرنز' کا باضابطہ اعلان کیا۔ اس فلم کو اصل فلم کا ایک نیا ٹیک قرار دیا جا رہا ہے، جو 1990 کی دہائی میں شائقین کے درمیان گونجتی تھی۔

سنجے دت نے انکشاف کیا کہ ان کی کمپنی تھری ڈائمینشن موشن پکچرز اور اکشا کمبوج کی اسپیکٹ انٹرٹینمنٹ نے مشترکہ طور پر فلم ساز سبھاش گھئی اور ان کی کمپنی مکتا آرٹس سے فلم کے حقوق حاصل کیے ہیں۔ تقریب میں فلم کا ایک مختصر ٹیزر بھی دکھایا گیا، جس میں سنجے دت کو ان کے مشہور کردار 'بلو' کے نئے اور مضبوط انداز میں دکھایا گیا ہے۔ اداکار نے فلم سبھاش گھئی کا فلم وراثت کیلئے شکریہ ادا کیا۔

اداکار نے انکشاف کیا کہ اس فلم کا خیال انہیں اس وقت آیا جب وہ جیل کی سزا کاٹ رہے تھے۔ انہوں نے وضاحت کی کہ انہوں نے وہاں کئی قیدیوں سے پوچھا تھا کہ کیا وہ کھلنائک کی واپسی دیکھنا چاہتے ہیں۔ سنجے کے مطابق، ہزاروں قیدیوں کے مثبت ردعمل نے انہیں کہانی کو آگے بڑھانے کی ترغیب دی۔ بعد میں انہوںنے یہ خیال سبھاش گھئی کے ساتھ شیئر کیا، جنہوں نے اس اقدام کی حمایت کی۔

فی الحال، پروڈیوسر نے یہ واضح نہیں کیا ہے کہ آیا کھل نائک ریٹرنز اصل فلم کا براہ راست سیکوئل ہو گا یا نئے خیال کے ساتھ پیش کیا جائے گا۔ فلم کی کہانی کو سختی سے خفیہ رکھا جا رہا ہے۔

سنجے دت نے اس پروجیکٹ کی تخلیقی ڈائریکٹ کے لئے جیوتی دیشپانڈے کو بھی ساتھ جوڑا ہے ۔ فلم کے اعلان کے بعد شائقین کے درمیان اسے لے کر دلچسپی کافی بڑھ گئی ہے۔

ہندوستھان سماچار

ہندوستان سماچار / عطاءاللہ