نئی دہلی، 25 اپریل (ہ س)۔

ٹیرر فنڈنگ کیس کے ملزم اور بارہمولہ سے آزاد رکن اسمبلی انجینئر رشید نے اپنے بیمار والد کو دیکھنے کے لیے عبوری ضمانت کے لیے دہلی ہائی کورٹ میں عرضی دائر کی ہے۔ ہائی کورٹ کی جانب سے درخواست کی سماعت آئندہ ہفتے متوقع ہے۔

اس سے پہلے 24 اپریل کو پٹیالہ ہاو¿س کورٹ نے انجینئر رشید کی عرضی کو مسترد کر دیا تھا۔ انجینئر رشید نے درخواست دائر کرتے ہوئے کہا کہ ان کے والد بیمار ہیں اور وینٹی لیٹر پر ہیں۔ پٹیالہ ہاو¿س کورٹ میں سماعت کے دوران این آئی اے کے وکیل نے دلیل دی کہ انہیں حراستی پیرول پر رہا کیا جا سکتا ہے۔ اس سے قبل عدالت نے انجینئر رشید کو حراست میں رہتے ہوئے پارلیمنٹ کے اجلاس میں شرکت کی اجازت دی تھی۔

انجینئر رشید نے 2024 کے لوک سبھا انتخابات میں جموں و کشمیر کے سابق وزیر اعلیٰ عمر عبداللہ کو تقریباً 100,000 ووٹوں سے شکست دے کر کامیابی حاصل کی۔ رشید کو این آئی اے نے 2016 میں گرفتار کیا تھا۔ پٹیالہ ہاو¿س کورٹ نے حافظ سعید، سید صلاح الدین، یاسین ملک، شبیر شاہ، اور دیگر ملزمین کے خلاف الزامات طے کرنے کا حکم دیا تھا ۔

ہندوستھان سماچار

ہندوستان سماچار / عطاءاللہ