نوئیڈا، 24 اپریل (ہ س)۔ نوئیڈا بین الاقوامی ہوائی اڈے کے لئے سی ای او کی تقرری طویل عرصے سے جاری انتظامی تنازعہ کے درمیان رک گئی تھی۔ آخر کار، جمعہ کو ایک عبوری سی ای او مقرر کیا گیا۔ یمنا انٹرنیشنل ایئرپورٹ پرائیویٹ لمیٹڈ ( وائی اے پی ایل ) نے نیتو شرما کو کمپنی کا عبوری چیف ایگزیکٹو آفیسر مقرر کیا ہے۔

یمنا ڈیولپمنٹ اتھارٹی کے چیف ایگزیکٹیو آفیسر آر کے سنگھ نے کہا کہ یمنا انٹرنیشنل ایئرپورٹ پرائیویٹ لمیٹڈ (وائی اے پی ایل ) نے جمعہ کو ایک اہم فیصلہ کرتے ہوئے نیتو شرما کو کمپنی کا عبوری چیف ایگزیکٹو آفیسر مقرر کیا۔ اب تک یہ عہدہ سوئس شہری کرسٹوف شنیل مین کے پاس تھا، جنہیں کمپنی نے نئی ذمہ داری تفویض کرتے ہوئے ایگزیکٹو وائس چیئرمین مقرر کیا ہے۔

انہوں نے وضاحت کی کہ غیر ملکی سی ای او کا ہونا ہوائی اڈے کے سیکورٹی پروگرام کی منظوری حاصل کرنے میں ایک بڑی رکاوٹ ہے۔ وزارت داخلہ نے اس بنیاد پر سیکورٹی کلیئرنس سے انکار کر دیا تھا۔ بتایا جا رہا ہے کہ کمپنی نے اس رکاوٹ کو دور کرنے کے لیے قیادت میں یہ تبدیلی کی ہے۔ نیتو شرما نے پہلے کمپنی کے چیف فائنانشیل آفیسر کے طور پر خدمات انجام دیں اور پروجیکٹ کی مالیاتی حکمت عملی میں کلیدی کردار ادا کیا۔

نیتو شرما کی تقرری کے ساتھ، امید ہے کہ نوئیڈا بین الاقوامی ہوائی اڈے پر زیر التواءسیکورٹی مسائل جلد ہی حل ہو جائیں گے۔ اس فیصلے کو ہوائی اڈے کے منصوبے میں تیزی لانے کے لیے بھی اہم قرار دیا جا رہا ہے۔

ہندوستھان سماچار

ہندوستان سماچار / محمد شہزاد