نئی دہلی،22 اپریل (ہ س)۔

پرسار بھارتی نے کرناٹک کے دھارواڑ میں آکاشوانی ریجنل اسٹیشن کو بنگلورو منتقل کرنے کا اپنا فیصلہ واپس لے لیا ہے۔ یہ اسٹیشن اب شمالی کرناٹک کے لوگوں کے جذبات اور توقعات کے مطابق دھارواڑ میں کام کرتا رہے گا۔

یہ فیصلہ دھارواڑ کے ایم پی اور مرکزی وزیر پرہلاد جوشی کی مداخلت کے بعد کیا گیا۔ انہوں نے علاقائی اہمیت اور عوامی جذبات کو اجاگر کرتے ہوئے مرکزی حکومت کے ساتھ مسئلہ اٹھایا۔

درحقیقت، پرسار بھارتی کی مجاز اتھارٹی نے پہلے علاقائی اسٹیشن کو بنگلورو منتقل کرنے کا فیصلہ کیا تھا، جس کی شمالی کرناٹک کے لوگوں نے سخت مخالفت کی تھی۔ اس کے بعد مقامی باشندوں نے پرہلاد جوشی سے مداخلت کی درخواست کی۔

معاملے کو سنجیدگی سے لیتے ہوئے پرہلاد جوشی نے مرکزی وزیر اطلاعات و نشریات اشونی ویشنو سے رابطہ کیا اور ان سے دھارواڑ اسٹیشن کو برقرار رکھنے پر زور دیا۔ انہوں نے اسٹیشن کے دائرہ کار اور علاقائی ضروریات کی اہمیت پر تفصیل سے روشنی ڈالی۔

مثبت جواب دیتے ہوئے، اشونی ویشنو نے پرسار بھارتی کو دھارواڑ میں آکاشوانی سنٹر کو جاری رکھنے کی ہدایت کی۔

اس فیصلے کے بعد پرہلاد جوشی نے شمالی کرناٹک کے لوگوں کی جانب سے وزیر اعظم نریندر مودی اور اشونی ویشنو کا شکریہ ادا کیا۔ انہوں نے کہا کہ یہ فیصلہ خطے کے ثقافتی اور لسانی تشخص کے تحفظ کی جانب ایک اہم قدم ہے۔

ہندوستھان سماچار

ہندوستان سماچار / عطاءاللہ