لکھنؤ، 17 اپریل (ہ س)۔ سفرحج 2026 کی تیاریوں کے پیش نظر اترپردیش ریاستی حج کمیٹی کی ایک جائزہ میٹنگ جمعہ کو مولانا علی میاں میموریل حج ہاو¿س سروجنی نگر لکھنؤ میں ریاستی وزیر اقلیتی بہبود، مسلم وقف و حج، اترپردیش اور ریاستی حج کمیٹی کے چیئرمین کی صدارت میں منعقد ہوئی۔ اجلاس کے بعد انتظامات اوربندوبست سے متعلقہجگہوں کا معائنہ بھی کیا گیا۔

اجلاس کے دوران، وزیر دانش آزاد انصاری نے عازمین حج کو فراہم کی جانے والی سہولیات کے حوالے سے ضروری رہنما خطوط فراہم کئے۔ انہوں نے رہائش، ٹرانسپورٹیشن، صحت خدمات اور دیگر خدمات کے انتظامات کا بغور جائزہ لیا اور عہدیداروں کو واضح ہدایات دیں کہ عازمین حج کو کسی قسم کی تکلیف کا سامنا نہ کرنا پڑے۔ انہوں نے کہا کہ تمام عازمین حج کو بہتر، محفوظ اور آسان سہولیات فراہم کرنا ڈبل انجن والی مودی-یوگی حکومت کی ترجیح ہے۔

وزیر موصوف نے تمام متعلقہ عہدیداروں کو ہدایت دی کہ وہ عازمین حج کی تیاریوں کو بروقت، منظم اور حساس طریقے سے مکمل کریں، تاکہ ہر حاجی اپنے مقدس سفر کو بحفاظت اور آسانی کے ساتھ مکمل کر سکے۔

میٹنگ کے بارے میں، ایس پی تیواری، سکریٹری/ایگزیکٹیو آفیسر نے بتایا کہ میٹنگ میں حج 2026 کے عازمین حج کے انتظامات کا جائزہ لیا گیا اور عازمین حج کے فائدے/ سہولت کے لیے ضروری ہدایات دی گئیں۔

انہوں نے بتایا کہ فلائناس ایئر لائن کی پہلی پرواز 22 اپریل 2026 کو لکھنو¿ ہوائی اڈے سے روانہ ہوگی، اسی سلسلے میں حج ہاو¿س سے روانگی سے قبل صبح 7 بجے ایک پروگرام طے کیا گیا ہے، جس میں اتر پردیش ریاستی حج کمیٹی کے وزیر/چیئرمین، اراکین، مسلم مذہبی رہنما اور دیگر معززین موجود ہوں گے۔

پروگرام کے بعد پہلی بس کو اقلیتی بہبود، مسلم وقف اور حج یوپی کے وزیر اور یوپی ریاستی حج کمیٹی کے چیئرمین اور ممبران اور مذہبی رہنماو¿ں کے ذریعہ ہری جھنڈی دکھا کر روانہ کیا جائے گا۔

میٹنگ میں ریاستی حج کمیٹی کے ارکان، حج سکریٹری اور دیگر متعلقہ عہدیدار موجود تھے۔

ہندوستھان سماچار

ہندوستان سماچار / محمد شہزاد