علی گڑھ میں سابق گورنر عارف محمد خان کی آمد، ناری شکتی وندن ایکٹ پر اظہارِ خیال

علی گڑھ، 17 اپریل (ہ س)۔ کیرالہ اور بہار کے سابق گورنرعارف محمد خاں آج علی گڑھ پہنچے۔ اس موقع پر انہوں نے سینئر سماجی کارکن مشیر احمد خان کی رہائش گاہ پر میڈیا سے گفتگو کی۔ گفتگو کے دوران عارف محمد خان نے ناری شکتی وندن ایکٹ پر تفصیل سے بات کرتے ہوئے اسے خواتین کو بااختیار بنانے کی سمت میں ایک اہم قدم قرار دیا۔ انہوں نے کہا کہ یہ قانون خواتین کو سیاسی اور سماجی طور پر مضبوط بنانے میں اہم کردار ادا کرے گا۔

انہوں نے مزید کہا کہ ملک میں خواتین کی حصہ داری بڑھانے کے لیے اس طرح کے اقدامات بے حد ضروری ہیں۔ ان کے مطابق خواتین کو بااختیار بنانے کے لیے مسلسل اقدامات کیے جانے چاہئیں، کیونکہ کوئی بھی معاشرہ، ملک یا قوم اس وقت تک ترقی نہیں کر سکتی جب تک اس میں خواتین کی فعال شرکت شامل نہ ہو۔

عارف محمد خان نے اس بات پر زور دیا کہ ہر وہ قدم اٹھایا جانا چاہیے جس سے خواتین کی شراکت اور نمائندگی میں اضافہ ہو۔ انہوں نے کہا کہ خواتین کی شرکت کے بغیر کوئی بھی سماج یا ملک آگے نہیں بڑھ سکتا۔

ہندوستھان سماچار

---------------

ہندوستان سماچار / سید کامران علی گڑھ