نئی دہلی، 16 اپریل (ہ س): راوز ایونیو کورٹ نے جمعرات کو ریلوے ٹینڈر گھوٹالہ سے متعلق منی لانڈرنگ کیس میں الزامات طے کرنے پر اپنا فیصلہ موخر کر دیا۔ عدالت نے 13 فروری کو اپنا فیصلہ محفوظ کر لیا تھا۔ خصوصی جج وشال گوگنے نے اب اس کیس کا فیصلہ 6 مئی کو سنانے کا حکم دیا ہے۔

28 جنوری، 2019 کو، عدالت نے لالو یادو، رابڑی دیوی، اور تیجسوی یادو کو انفورسمنٹ ڈائریکٹوریٹ (ای ڈی) کی طرف سے دائر مقدمے میں ایک ایک لاکھ روپے کے ذاتی مچلکے پر باقاعدہ ضمانت دی۔ اس کے بعد، 19 جنوری، 2019 کو، عدالت نے سینٹرل بیورو آف انویسٹی گیشن (سی بی آئی) کی طرف سے دائر کیس میں لالو یادو کو باقاعدہ ضمانت دے دی۔ 13 اکتوبر 2025 کو عدالت نے ریلوے ٹینڈر گھوٹالہ سے متعلق سی بی آئی کیس میں لالو یادو، رابڑی دیوی، تیجسوی یادو اور دیگر ملزمان کے خلاف الزامات طے کرنے کا حکم دیا۔

عدالت نے 17 ستمبر 2018 کو انفورسمنٹ ڈائریکٹوریٹ (ای ڈی) کی طرف سے دائر چارج شیٹ کا نوٹس لیا تھا۔ لالو پرساد یادو، رابڑی دیوی، تیجسوی یادو، میسرز لارا پروجیکٹ ایل ایل پی، سرلا گپتا، پریم چند گپتا، گورو گپتا، ناتھ مل ککرانیہ، راہول یادو، وجے ترپاٹھی، دیوکی نندن وغیرہ کو کیس میں نامزد کیا گیا ہے۔

لالو یادو پر ریلوے کے وزیر رہتے ہوئے ریلوے کے دو ہوٹلوں کو آئی آر سی ٹی سی کو منتقل کرنے اور ان کی دیکھ بھال کے لیے ٹینڈر جاری کرنے کا الزام ہے۔ رانچی اور پوری میں دو ہوٹل بھی سجاتا ہوٹلز کو الاٹ کیے گئے تھے، یہ کمپنی کوچر برادران کی ملکیت تھی۔

---------------

ہندوستان سماچار / عبدالسلام صدیقی