نئی دہلی، 16 اپریل (ہ س): ٹیکسٹائل کی وزارت کے تحت ہینڈ لومز کے ترقیاتی کمشنر کے دفتر نے جمعرات کو فیمینا مس انڈیا کے ساتھ تعاون کا اعلان کیا۔ اس شراکت داری کا مقصد وشوا ستراس – انڈیاز ویوز ٹو دی ورلڈ ایونٹ کے ذریعے بین الاقوامی سطح پر ہندوستانی ہینڈلوم کے بھرپور ورثے اور تنوع کو ظاہر کرنا ہے۔

وزارت کے مطابق، اس خصوصی اقدام کے تحت، فیمینا مس انڈیا گرینڈ فائنل میں ایک خصوصی ہینڈلوم کلیکشن کی نقاب کشائی کی جائے گی، جس میں ہندوستانی بنکروں کی فنکاری کا جشن منایا جائے گا اور ہینڈلوم سیکٹر کی پائیداری اور ثقافتی گہرائی کو دکھایا جائے گا۔

ڈیولپمنٹ کمشنر (ہینڈ لومز) ڈاکٹر ایم بینا نے کہا کہ اس تعاون کا مقصد نوجوانوں، فیشن اسٹیک ہولڈرز اور بین الاقوامی صارفین کے درمیان ہندوستانی ہینڈ لوم کی نمائش کو بڑھانا ہے۔ یہ 'ہینڈلومز بطور ہیریٹیج، ہینڈلومز بطور مستقبل' کے تصور کو تقویت دیتا ہے اور یہ اورنج اکانومی، ثقافتی ورثے اور تخلیقی کاروبار کو فروغ دینے کے حکومت کے وڑن کے مطابق ہے۔

ریاستوں اور مرکز کے زیر انتظام علاقوں کے فاتحین حصہ لے رہے ہیں۔ یہ جیتنے والے اپنے علاقے کی ب±نائی روایات سے متاثر ہینڈلوم کے ملبوسات کی نمائش کریں گے۔ وہ منتخب ملک کی ثقافتی جمالیات کی عکاسی کے لیے تخلیقی انداز میں پیش کریں گے۔ یہ نقطہ نظر علامتی طور پر ہندوستان کے ٹیکسٹائل ورثے کو عالمی فیشن کی کہانیوں سے جوڑتا ہے۔

یہ جوڑ ہندوستان کے مشہور بونیوں سے متاثر ہوتے ہیں، جن میں وارانسی بروکیڈ، لیپچا، کانچی پورم، کوٹا ڈوریا، مہیشوری، پٹولا، اکت، کاسوو، پیٹھانی، پھولکاری، جمدانی، کلّو شال، اپپاڈا، کھنّی، پشمینہ، موگا ریشم اور دیگر ریشمی روایات شامل ہیں۔

یہ اقدام وزیر اعظم کے 5ایف ویژن (فارم ٹو فائبر ٹو فیکٹری سے فیشن ٹو فارن) اور وکل فار لوکل مہم کو تقویت دیتا ہے۔ اس اقدام سے ثقافتی صنعتوں کو تقویت ملے گی، روزگار کے مواقع پیدا ہوں گے اور غیر ملکی منڈیوں میں ہندوستان کی موجودگی بڑھے گی۔

---------------

ہندوستان سماچار / عبدالسلام صدیقی